საქართველოს ნაკრების მორაგბემ ბექა გიგაშვილმა „ტულონთან“ ახალი კონტრაქტი გააფორმა და გუნდში 2024 წლის ზაფხულამდე დარჩება. აღნიშნული ინფორმაცია ფრანგული კლუბის ვებგვერდმა ოფიციალურად დაადასტურა.

გიგაშვილი „ტულონს“, რომელიც TOP 14-ში თამაშობს, 2019 წელს შეუერთდა და გუნდის ერთ-ერთ მნიშვნელოვან ფიგურად მაშინვე იქცა. მანამდე ქართველი მორაგბე „შამბერიასა“ და „გრენობლში“ ირჯებოდა.

საქართველოს ეროვნულ ნაკრებში 28 წლის მორაგბეს დღემდე 12 შეხვედრა აქვს ჩატარებული.