საქართველოს რაგბის კავშირმა შიდა სამედიცინო სამსახურებთან ერთად მსჯელობის შემდეგ სეზონის 1 აპრილამდე შეჩერების გადაწყვეტილება მიიღო.
"იმის გამო, რომ ქვეყანაში შეიქმნა კორონავირუსის (COVID – 19) ეპიდემიის გავრცელებასთან დაკავშირებული საშიშროება საქართველოს განათლების, მეცნიერების, კულტურისა და სპორტის სამინისტროს და დაავადებათა კონტროლის ეროვნული ცენტრის რეკომენდაციით, ასევე პრემიერ მინისტრთან მოქმედი უწყებათშორისი საბჭოსა და ჯანდაცვის სამინისტროს გადაწყვეტილებით, საქართველოს რაგბის კავშირმა შიდა სამედიცინო სამსახურთან ერთად იმსჯელა და მიიღო გადაწყვეტილება ა.წ. 13 მარტიდან 1 აპრილამდე შეაჩეროს რაგბის კავშირის ეგიდით მოქმედი ყველა შეჯიბრება როგორც ჭაბუკთა ისე კაცთა გუნდების მონაწილეობით.
დამატებითი ინფორმაცია ჩემპიონატების გაგრძელების შესახებ გამოქვეყნდება მოგვიანებით." - ნათქვამია რაგბის კავშირის ოფიციალურ ვებგვერდზე გავრცელებულ განცხადებაში.
ასევე ცნობილია, რომ რაგბი ევროპის ჩემპიონატის ბოლო ტურის შეხვედრა რუსეთის წინააღმდეგ მიხეილ მესხის სახელობის სტადიონზე გულშემატკივრების და მედია საშუალებების წარმომადგენლების გარეშე ჩატარდება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია