ბორჯღალოსნები

17:07 | 17.01.2020 | ნანახია 2129 - ჯერ

მიხეილ ხარატი: "თანახმა ვართ რუსეთს სხვა სტადიონზე ვუმასპინძლოთ, ეს პრობლემა არაა"

საქართველოს რაგბის კავშირი მზადაა რუსეთთან მატჩი „დინამო არენაზე“ არ ჩაატაროს. მოგეხსენებათ, ეს მატჩი 14 მარტს უნდა გაიმართოს, ხოლო 26 მარტს იმავე სტადიონზე საქართველო - ბელარუსის თამაში შედგება.

რაგბის კავშირის მარკეტინგის დირექტორმა მიხეილ ხარატმა ამ საკითხზე კომენტარი გააკეთა და განაცხადა, რომ თუ მინდვრის საფარს პრობლემა ექნება, „ბორჯღალოსნები“ სხვა არენაზე ითამაშებენ.

„ფეხბურთში საქართველო - ბელარუსის თამაში ძალიან მნიშვნელოვანია არამარტო ფეხბურთის ფედერაციისთვის, არამედ მთლიანად ერისთვის. ამიტომ, თუ საშიშროება იქნება, რომ ჩვენმა თამაშმა მინდვრის საფარს მიაყენოს ზიანი, მაშინ მივალთ კონსესუსამდე და ვითამაშებთ სხვა სტადიონზე, ალბათ „მიხეილ მესხზე“.

ვნახოთ, ამინდსაც ექნება მნიშვნელობა. ჩვენთვის მინდვრის საფარს არ აქვს ისეთი მნიშვნელობა, როგორც ფეხბურთში და ამიტომ, შეიძლება ალტერნატიული სტადიონი გამოვიყენოთ. ვიმეორებ, ჩვენ თანახმა ვართ გავიაროთ ეს თემა, რადგან ფეხბურთელებს ძალიან მნიშვნელოვანი თამაში აქვთ, მთავარია კარგად დამთავრდეს ეგ თამაში და „ავჭალაშიც“ ვითამაშებთ (იღიმის)“, - განაცხადა ხარატმა.


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
21:28 | 17.01.2020
dinamo222 (657)

აა ძმაო კაცი და ნამდვილი პატრიოტი ! მართალია რომ მოედნის საფარს დიდი მნიშვნელობა აქვს ორივე თამაშში განსაკუთრებით ბელორუსთან იმიტომ რომ იმათი ფეხბურთი სირბილი და დაერტმებია(ბეი ბეგი) და გაფუჭებულ გაზოზზე ისინი უფრო კომფორტულად იგრძნობენ თავს ვიდრე ჩვენი უფრო ტექნიკური ფეხბურთელები ! და რუს რეგბისტებს სად მოვუგებთ დინამოზე მესხზე თუ თუნდაც ქუთაისში ან რუსთავში მნიშნელობა არა აქვს !

17:35 | 17.01.2020
ოვალური კორბენი (261)

"ავჭალაზე" გამართვა საუკეთესო ვარიანტია ))
რუსეთთან თამაშს დიდი ხანია აღარანაირი მნიშვნელობა აღარ აქვს ჩვენთვის. ერთადერთი, მაგათ საგინებლად თუ მივა კაცი სტადიონზე და გლდანი-ნაძალადევში იმნაირი "შემკობა" ვიცით, კახეთიდან ჩამოდიან ხალხი მასტერკლასებზე

0.083804