უელსის სარაგბო ნაკრებში, რომელიც 2019 წლის მსოფლიო თასზე “ბორჯღალოსანთა” ერთ-ერთი მეტოქეა, ტრავმების ეპიდემიაა.
“დრაკონებისთვის” დანავსული ლონდონურ “თვიქენჰემზე” გამართული მატჩი გამოდგა, რომელიც სტუმრებმა ინგლისთან 19:33 წააგეს და 14-მატჩიანი დაუმარცხენელი სერია შეწყვიტეს, დაზიანება კი უელსელთა ერთბაშად სამმა მორაგბემ მიიღო.
ყველაზე მძიმე “წითლების” მგეზავის გარეთ ენსკომბის მდგომარეობაა, რომელმაც მუხლი დაიშავა და მინდვრის ნაადრევად დატოვება მოუხდა, მანამდე კი 1 გარდასახვის გატანა მოასწრო.
უელსის ნაკრების მთავარი მწვრთნელის უორენ გეთლენდის განცხადებით, ენსკომბს დამატებითი გამოკვლევები უნდა ჩაუტარდეს, თუმცა, უკვე გაჩნდა ინფორმაცია, რომ გარეთს მსოფლიო თასზე მინიმუმ სასტარტო მატჩების გამოტოვება მოუწევს.
გაურკვეველია ტომოს უილიამსის მდგომარეობაც, რომელმაც მხრის ტრავმა ჯერ კიდევ მატჩისწინა ვარჯიშზე მიიღო, აი, ჯასტინ ტიპურიკთან დაკავშირებით კი, შედარებით უკეთესი სიტუაციაა. 30 წლის ფლანკერმა კოჭი იტკინა, თუმცა, მისი პრობლემა სერიოზული არ სჩანს.
შეგახსენებთ, რომ უელსისა და საქართველოს მორაგბეთა ეროვნული ნაკრებების სამსოფლიოთასო დაპირისპირება იაპონიის ქალაქ ტოიოტაში 23 სექტემბერს ჩატარდება.