მსოფლიო რაგბმა 2019 წლის მსოფლიო თასის ჯგუფური ეტაპის შეხვედრებისთვის მსაჯთა ბრიგადები შეარჩია.
ბორჯღალოსნები იაპონიაში პირველ მატჩს 23 სექტემბერს, საქართველოს დროით 14:15 საათზე უელსის წინააღმდეგ გამართავენ. ქალაქ ტოიოტაში რეფერი ინგლისელი ლუკ პირსი იქნება, რომელიც 2017 წელს საქართველოსა და არგენტინის ნაკრებების შეხვედრას სჯიდა. ის 2014 წლის ნოემბერში ირლანდიასთან ტესტისას გვერდითი მსაჯი იყო.
უელსთან პირსს კიდეებიდან ახალ ზელანდიელი ბენ ოკიფი და ინგლისელი მეთიუ ქერლი დაეხმარებიან, ხოლო ვიდეო-რეფერი ასევე ინგლისელი როან კიტი იქნება.
29 სექტემბერს, კუმაგაიაში საქართველოსა და ურუგვაის შეხვედრას ასევე ინგლისელი უეინ ბარნსი განსჯის. ბარნსი ნაიჯელ ოუენსთან ერთად მსოფლიო რაგბში ერთ-ერთი ყველაზე ცნობილი და პატივცემული მსაჯია. ის საქართველოსა და ინგლისის ნაკრებების ერთობლივი ვარჯიშისას მსაჯად იყო მიწვეული. მას კიდეებიდან ახალ ზელანდიელი პოლ უილიამსი და ფრანგი ალექსანდრ რუიზი დაეხმარებიან, ხოლო ვიდეო-რეფერი სამხრეთ აფრიკელი მარიუს იონკერია.
პოლ უილიამსი, 3 ოქტომბერს, საქართველოსა და ფიჯის შეხვედრაში უკვე ცენტრალური მსაჯი იქნება. მას კიდეებიდან სამხრეთ აფრიკელი ჯაკო ფეიფერი და ინგლისელი მეთიუ ქერლი დაეხმარებიან, ხოლო ვიდეო-რეფერი ინგლისელი გრეემ ჰიუსია. თამაში ოსაკაში ჩვენი დროით 09:15 საათზე დაიწყება.
ჯგუფურ ეტაპს 11 ოქტომბერს შიზუოკაში, ავსტრალიასთან მატჩით ვასრულებთ და რეფერი ფრანგი პასკალ გოზეა, რომელმაც 2014 წელს საქართველო-ტონგას ტესტ-მატჩი იმსაჯა. მას კიდეებიდან ასევე ფრანგი ჟერომი გარსეზი და იაპონელი სუჰეი კუბო დაეხმარებიან, ხოლო ვიდეო-რეფერი სამხრეთ აფრიკელი მარიუს იონკერია.
rugby.ge
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ცალსახად კარგია ის რომ არცერთი მსაჯი არ არის იტალიიდან და რუმინეთიდან.
თუმცა ინგლისელებიც (რომელთა სიჭარბეა) მთლად საუკეთესო ვარიანტიც არ მგონია.
კარგი იქნებოდა, არგენტინელი და ზელანდიელი მსაჯები.
მთავარია, რომ მათ თავისი საქმე ობიექტურად შეასრულონ და ადგილი არ ჰქონდეს მამაძაღლობებს!