თბილისის ‘არმიამ’ მარნეულის ‘არმაზს’ 28:5 სძლია და დიდ 10-ში დარჩენისკენ დიდი ნაბიჯი გადადგა. ლევან ცაბაძის გუნდმა ზედიზედ მეორე შეხვედრა მოიგო და მე-9 ადგილოსან ‘ვეფხვებთან’ ჩამორჩენა 1 ქულამდე დაიყვანა.

‘არმია’ თავიდანვე დაწინაურდა - ჯერ ბახვა კობახიძემ გაიტანა ჯარიმა, მერე გოდერძი ჭინჭარაულმა მიითვალა ლელო, ხოლო კობახიძემ გარდასახვას 30-ე წუთზე კიდევ ერთი ჯარიმა მიაყოლა. ‘არმაზმა’ შესვენებამდე ვაჟა თაგაურის ლელოთი უპასუხა და ტაიმი 13:5 დასრულდა.

კობახიძემ 54-ე წუთზე ჯარიმით უპირატესობა გაზარდა, ტაიმის შუაში დაჩი პაპუნაშვილმა მეორე ლელო გაიტანა, ხოლო ბოლო წუთზე ლელო კობახიძემაც მიითვალა და ‘არმია’ ამ გამარჯვებით ბრძოლაში დაბრუნდა.

www.rugby.ge