სამოას მორაგბეთა ეროვნული ნაკრების სამწვრთნელო შტაბმა შემადგენლობა დაასახელა შაბათს, 10 ნოემბერს თბილისში დაგეგმილი მატჩისთვის.
შეგახსენებთ, რომ მოახლოებულ შეხვედრას ავჭალის სარაგბო სტადიონი უმასპინძლებს და “ბორჯღალოსნები” ეცდებიან, ნოემბრის ტესტ-სერიაზე პირველი გამარჯვება იზეიმონ.
მილტონ ჰეიგი გასულ უქმეებზე ფლორენციას სტუმრობდნენ და 17:28 წააგეს, სამოელები კი ესპანეთის ქალაქ სან სებასტიანში აშშ-ს გაეჯიბრნენ და მინიმალური სხვაობით – 29:30 წააგეს.
კუნძულელებს თბილისური მატჩისთვის დიდი ცვლილებებისთვის არ მიუმართავთ. “დონკასტერის” მესამეხაზელი ჯოშ ტირელი ექვსის ნაცვლად 8 ნომრის პოზიციაზე გაირჯება, მის ადგილს კი “ტულუზას“ წევრი პიულა ფა’ასელელე დაიკავებს.
ცხრა ნომრის პოზიციაზე სასტარტო შემადგენლობაში ვიხილავთ ზელანდიური “ნორსქოუთის” მორაგბე დუეინ პოლატაივაოს, რომელმაც ახალგაზრდა მელანი მატავაო ჩაანაცვლა.
შეგახსენებთ, რომ ამ დრომდე საქართველო და სამოა ერთმანეთს 4-ჯერ შეხვედრიან და ბალანსი “ბორჯღალოსანთა” მხარესაა: 2 მოგება, 1 ფრე, 1 წაგება.

სამოა: 1. მულიპოლა, 2. მატუ’უ/ლეიატუა, 3. ალო-ემილე, 4 პაულო, 5. ლეაუპეპე, 6 ფა’ასელელე, 7. ლემი (კაპ.), 8. ტირელი, 9. პოლატაივაო, 10. პისი, 11. ტაულაგი, 12. ლი-ლო, 13. ლეიუა, 14, ფიდოუ, 15. ტუალა.
მარქაფა: 16. ლეიატაუა/ნიუია, 17. ჯეიმს ლეი, 18. ჯორდან ლეი, 19. ლუამანუ, 20. ლევავე, 21. ქოული, 22. ლეუილა, 23. ალოფა.