ლონდონურ “თვიქნემზე“ გამართული ინგლისისა და სამხრეთ აფრიკის სარაგბო ნაკრებთა მატჩი ნამდვილად ვერ გამოდგა ისეთი, როგორსაც გულშემატკივარი ელოდა.
დღის ცენტრალურ შეხვედრად მონათლულ ჯახში ერთადერთი ლელო ს’ბუსისო რომეო ნკოსიმ დადო, თუმცა, ამან “ქურციკებს” გამარჯვება ვერ მოუტანა.
“ვარდებს” მოსაგებად 4 ჯარიმა ერგოთ, რომელთაგან 3 ოუენ ფარელმა შეაგდო, ზაკ მერსერმა და ბენ მუნმა კი ინგლისის ნაკრების მაისური პირველად მოირგეს და წარმატებული დებიუტიც გამოუვიდათ.
ედი ჯონსის შეგირდებს მომდევნო მატჩი 10 ნოემბერს “თვიქნემზევე” ახალ ზელანდიასთან ელით, აფრიკელები კი მომდევნო უქმეებზე, “სენ დენიზე” საფრანგეთს გაეჯიბრებიან.

ინგლისი – სამხრეთ აფრიკა 12:11 (6:8)
ლელო: არავინ – ნკოსი (33).
ჯარიმა: ფარელი (21, 37, 73), დეილი (51) – პოლარდი (7, 68).