სარაგბო მსოფლიო თასის ფინალური ეტაპის მონაწილეთა რიცხვი, შესაძლოა, 20-დან 24-მდე გაიზარდოს. ამის შესახებ მსოფლიო რაგბის გენერალურმა დირექტორმა ბრეტ გოსპერმა ისაუბრა.
“ჩვენი სურვილია, გუნდები მეტად კონკურენტუნარიანები იყვნენ, რათა 24 ნაკრებისგან შემდგარი ტურნირი მოვაწყოთ. მიღებულია გადაწყვეტილება, რომ 2023 წელს ისევ 20-მა გუნდმა ითამაშოს, თუმცა, შესაძლოა, ეს საკითხიც გადაიხედოს. ტენდენცია ისეთია, რომ რაოდენობა უნდა გავზარდოთ. საუბარია თამაშის გლობალურ ზრდაზე – ქომაგთა მხრიდან მეტ ინტერესსა და ახალ ბაზრებზე კომერციულ დაინტერესებაზე”.
სარაგბო სამყაროში არსებული აზრით, გუნდების გაფართოებაზე რეალური საუბარი არა – 2023, არამედ 2027 წლის მსოფლიო თასისთვის შეიძლება, თუმცა, მანამდე არაერთ მნიშვნელოვან კითხვას უნდა გაეცეს პასუხი.
მაგალითად, ერგებათ თუ არა დამატებითი საგზურები ევროპასა და აფრიკას? 4 ექვსგუნდიანი ჯგუფი იქნება, თუ 6 ოთხგუნდიანი? რამდენი ადგილი იქნება პლეი-ოფში და გაჩნდება თუ არა მერვედფინალები?
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
კარგი იქნებოდა ჯერ ევროპის ჩემპიონატი ჩაეტარებინათ, ენახათ სხვაობა და შედეგები 1 და მე-3 ეშელონებს შორის და მერე მსოფლიო ჩემპიონატზე ეფიქრათ ღირს თუ არა გაფართოვება.
100-0 უნდათ რო დაფიქსირდენ? შეუწყონ მეორე და მესამე ეშელონის გუნდებს ხელი და მერე შეიძLება მსოფლიოზე გუნდების გაზრდა.