მზარდი საქართველო

1:43 | 13.06.2018 | ნანახია 5559 - ჯერ

20წ | გაისადაც ელიტაში!

უმცროსმა ბორჯღალოსნებმა იაპონიას ბოლო 10 წუთში ორი ლელო გაუტანეს, გელა აფრასიძემ ერთი გარდასახა და 24:22 გამარჯვებით, საქართველომ საგაისოდ ელიტურ 12-ში ადგილი შეინარჩუნა.

იაპონიამ ჩვენთან გადამწყვეტი, სამკვდრო-სასიცოცხლო ბრძოლა გამართა და თითქმის ყველა შეცდომით ისარგებლა, მაგრამ უმცროსმა ბორჯღალოსნებმა კონცენტრაცია არ დაკარგეს, კაცნაკლულებმა ორჯერ ლელო გაიტანეს და 24:22 გამარჯვებით გაიხარეს.

მე-9 ადგილისთვის მატჩის ნახევარფინალში იაპონიამ გმირულად იბრძოლა და უმეტესი დრო ანგარიშში ლიდერობდა. აზიელებმა ჩვენს დერეფანში დაშვებული შეცდომით ისარგებლა და მე-8 წუთზე ლელო-გარდასახვით დაწინაურდა. პასუხმა არ დააგვიანა. მატჩის განახლებისთანავე ბურთი მოვიპოვეთ, ლუკა ჯაფარიძემ ორჯერ შეძლო უპირატესობის მოპოვება და საპასუხო ლელო გაიტანა, ხოლო გელა აფრასიძემ გარდასახა და ანგარიში გაათანაბრა.

პირველი ტაიმის მეორე ნახევარში დიდი დრო დაცვაში გავატარეთ და იაპონიამ ჯერ ჯარიმა გაიტანა, მერე სინბინით გურამ გოგიჩაშვილი დავკარგეთ და ლელო მივიღეთ - 7:17. ტაიმის მიწურულს უმცროსმა ბორჯღალოსნებმა საპასუხო ლელოს გატანა მოახერხეს. კაცნაკლულ შერკინებაში ბურთის მოგების შემდეგ აფრასიძემ შეუტია, დროული პაუზის შემდეგ დემე თაფლაძეს უპასა და ის ცრუმოძრაობით ბოლო დამცველს გასცდა.

მეორე ტაიმი იაპონელთა კონტრშეტევით და ლელოთი დასრულდა. არაზუსტი გარდასახვა აფრასიძის ჯარიმამ გაათანაბრა, რომელიც ძელმა აისხლიტა. საათის თავზე რეფერიმ სანდრო მამამთავრიშვილი გაგვისინბინა და თითქოს იმედიც გადაიწურა, მაგრამ საქართველომ შეძლო სადავეების ხელში აღება, 72-ე წუთზე კარგ მოლს რამდენიმე დარტყმა მოყვა და დემე ტაფლაძემ ლელო გაიტანა, ხოლო აფრასიძემ გარდასახა.

78-ე წუთზე თედო აბჟანდაძემ მეტოქეს კარის წინ გაუჭრა ხაზი, იერიში ლუკა გელაშვილმა გააგრძელა, კარის წინიდან აფრასიძემ თავად შეუტია და გამარჯვების ლელო გაიტანა. მართალია გარდასახვა არაზუსტი იყო, მაგრამ მალე საფინალო სასტვენი გაისმა და უმცროსი ბორჯღალოსნები 24:22 მოგებით, 17 ივნისს მე-9 ადგილისთვის ბრძოლაში შოტლანდიაზე გავიდნენ.​

რაგბის კავშირის პრესსამსახური


კომენტარები (32)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
13:33 | 18.06.2018
პანტელეიმონი (1094)

+1

16:40 | 14.06.2018
tokageo (42)

ნიაზის შემოქმედებიდან ჩემს საყვარელ მარგალიტს გავიხსენებდი, ხშირად ამბობს როცა ბურთი ჩვენ გადაგვივარდება წინ და მეტოქეს შერკინებას აძლევენ, იმ შერკინებას, რომელიც საერთოდ არ უხარიათ "ვირს პიტნა არ უყვარდა და ცხვირში ატენიდნენო" . ვგიჟდები ნიაზას კომენტარებზე

01:41 | 14.06.2018
NIKA..01 (159)

მაგარი ბიჭები არიან რა ბოლო წამებზე კინაღამ ყველა დროის ყველაზე დიდი სისულელე კი ჩაიდინეს,მაგრამ ჯამში მაგრები არიან... ისე ბიჭები რომ ჩამოვლენ ძალიან მინდა ვინმემ კითხოს რას ფიქრობდნენ გაწითლებულ დროზე რო გააჩაღეს თამაში ეს დაუფიქრებლობა იყო თუ სუპერთავზეხელაღებულობა იმხელას ვუყვიროდი რას აკეთებთ ბიჭოთქო,რომ მგონი საფრანგეთშიც ჩააღწევდა ჩემი ხმა

21:46 | 13.06.2018
krasni (461)

ისე შოტლანდიის წაქცევის შემთხვევაში, მომავლისთვის იქნებ დაფიქრდნენ ექვსი ერის U20-ში ჩვენს მონაწილეობაზე.

02:14 | 14.06.2018
dinamo222 (499)

ეროვნული ნაკრების გარეშე აზალგაზრდებს როგორ მიიღებენ ??

19:03 | 13.06.2018
GENESIS (18)

გილოცავ სქართველო! ნამდვილად კარგ ხასიათზე ვართ და მართლაც, შეგვიძლია გავიხსენოთ კარგი ამბები..კოლორიტი ხალხი, ნიაზი და ზაალიც ვახსენეთ და ამ სახალისო მიმოხილვას, ერთ ზაალის ფრაზას დავუმატებდი, რაც რომ მახსენდება, ახლაც ვერ ვიკავებ სიცილს.. კანადამ რომ კარგა მაგარი ჩხუბი გააჩაღა - „ამათ ყველას ეზოში ჰოკეი ექნებათ ნათამაშევიო“..
ისედაც ეს არის კარგი, როდეს