‘დინამო არენაზე’ ‘ფრანგი ბარბაროსების’ 16:15 დამარცხების შემდეგ, ბორჯღალოსნები გაემგზავრნენ. დაახლოებით 31-საათიანი ვოიაჟის შემდეგ, ისინი დანიშნულების ადგილზე ჩავლენ და ‘წყნარი ოკეანის თასის’ ორი და იაპონიასთან გასამართი ტესტ-მატჩისთვის მზადებას სუვაში გააგრძელებენ.
ბოლო ორ წელიწადში ბორჯღალოსნები ოკეანეთში მეორედ გაემგზავრნენ. 2016 წლის ტურნე ჩვენი გუნდისთვის წარმატებული აღმოჩნდა. აპიაში სამოასთან ფრედ დამთავრებული (19:19) მატჩის შემდეგ, მილთონ ჰეიგის შეგირდებმა სუვაში ტონგას 23:20, ხოლო მასპინძელ ფიჯის 14:3 მოუგეს.
განახლებული ფორმატით
‘მსოფლიო რაგბის’ გადაწყვეტილებით, წელს საქართველო ტონგასთან, ფიჯისთან და სამოასთან ერთად, ‘წყნარი ოკეანის თასისთვის’ ითამაშებს. ეს პირველი შემთხვევაა, როდესაც ამ ტურნირში ევროპული ნაკრები მიიღებს მონაწილეობას. შეიცვალა ფორმატიც და გამარჯვებული ორი ტურის შედეგად გაირკვევა.
9 ივნისს, საქართველოს დროით დილის 5 საათზე ტონგას ვეთამაშებით. ამავე დღეს, 7:30 საათზე ფიჯი სამოას შეხვდება; 16 ივნისს ტონგა სამოას ერკინება, ხოლო საქართველო 7:30 საათზე მასპინძელ ფიჯის ეთამაშება.
ტურნირზე მოქმედებს ბონუს-სისტემა: გამარჯვებისთვის გუნდი 4 ქულას იღებს, ფრეს შემთხვევაში- 2, ხოლო მეოთხე ლელოს გატანისა და 8-ზე ნაკლები ქულით მარცხისთვის ერთ ბონუს-ქულას.
თუ ორი ტურის შემდეგ ორ გუნდს თანაბარი ქულები დაუგროვდება, უპირატესობა პირისპირ მოგებას მიენიჭება.
‘წყნარი ოკეანის თასის’ დასრულების შემდეგ, ბორჯღალოსნები იაპონიაში გადაინაცვლებენ და 23 ივნისს, საქართველოს დროით 9:45 საათზე, ტოიოტაში მასპინძელ იაპონიას შეხვდებიან. შგახსენებთ, რომ 2019 წლის მსოფლიო თასის პირველ ტურში, ჩვენი გუნდი სწორედ ტოიოტაში უელსს ერკინება.
კუნძულებზე 32 მორაგბით
მილთონ ჰეიგმა მომავალი სამი შეხვედრისთვის 32 მორაგბე იახლა. იმ მორაგბეთაგან, რომლებმაც გუშინ ‘ფრანგი ბარბაროსების’ წინააღმდეგ ითამაშეს, კუნძულებზე 24 მიდის. ხაზის მოთამაშეებიდან მათ ემატებიან დავით კაჭარავა, ლაშა მალაღურაძე და გიორგი ბეგაძე, ხოლო მორკინალებიდან კახა ასიეშვილი, ჯაბა ბრეგვაძე, ლევან ჩილაჩავა, კოტე მიქაუტაძე და ვიტო კოლელიშვილი.
კუნძულებზე ორი წლის წინ არ იმყოფებოდნენ და წელს ითამაშებენ: ბექა წიკლაური, სოსო მათიაშვილი, ანზორ სიჭინავა, გიორგი კვესელაძე, რევაზ ჯინჭველაშვილი, ვასილ ლობჟანიძე, გიორგი თეთრაშვილი, გიორგი ჭყოიძე, გიორგი მელიქიძე, ლევან ჩილაჩავა, კოტე მიქაუტაძე, ვიტო კოლელიშვილი, ოთარ გიორგაძე, გიორგი ცუცქირიძე, მიხეილ გაჩეჩილაძე და გურამ შენგელია.
ტრავმას იშუშებს და ნოემბრამდე ვერ ითამაშებს მერაბ შარიქაძე, თუმცა როგორც გუნდის კაპიტანი, ის ფიჯისა და იაპონიაში ბორჯღალოსნებთან ერთად იქნება.
საქართველოს ბორჯღალოსნები
2018 * რაზმი ივნისის სამ-მატჩა ტურნესათვის [ტონგა | ფიჯი | იაპონია]
ბოლო განახლება [ 16:15 ფრანგი ბარბაროსები @ 31/05_2018 ]
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| უ | მერაბ კვირიკაშვილი | ლელო სარასენს [საქ დ 10] | 1983 | 111 | 16ლ 147გ 150ჯ 3ა [833 ქ] 5სბ |
| უ | სანდრო თოდუა | ლელო სარასენს [საქ დ 10] | 1987 | 72 | 10ლ 2სბ |
| უ | ბექა წიკლაური | ლოკომოტივი [საქ დ 10] | 1989 | 30 | 5ლ 24გ 15ჯ 2ა [124 ქ] |
| უ | სოსო მათიაშვილი | აკადემია [საქ დ 10] | 1993 | 10 | 5ლ 16გ 14ჯ [99 ქ] |
| უ | ანზორ სიჭინავა | აკადემია [საქ დ 10] | 1995 | 7 | 3ლ სბ |
| შ | დავით კაჭარავა | ენისეი [რუს სუპერ] | 1985 | 109 | 22ლ [4 კაპ] 3სბ |
| შ | ლაშა მალაღურაძე | კრასნი იარ [რუს სუპერ] | 1986 | 84 | 4ლ 40გ 25ჯ 3ა [184 ქ] 2სბ |
| შ | თამაზ მჭედლიძე | აჟენ [სფრ ტოპ 14] | 1993 | 47 | 6ლ სბ |
| შ | გიორგი კვესელაძე | მარნეულის არმაზი [საქ დ 10] | 1997 | 8 | 3ლ |
| 10 | ლაშა ხმალაძე | ბათუმი [საქ დ 10] | 1988 | 63 | 8ლ 4გ [48 ქ] |
| 10 | რევაზ ჯინჭველაშვილი | მარნეულის არმაზი [საქ დ 10] | 1995 | 8 | : |
| 9 | გიორგი ბეგაძე | ლოკომოტივი [საქ დ 10] | 1986 | 60 | 2სბ |
| 9 | ვასილ ლობჟანიძე | ბრივ [სფრ ტოპ 14] | 1996 | 33 | 5ლ |
| 9 | ვაჟა ხუციშვილი | რუსთავის ხარები [საქ დ 10] | 1993 | 24 | : |
| შერკინება [ფორვარდები] | |||||
| 1 | ზურაბ ჟვანია | სტად ფრანსეზ [სფრ ტოპ 14] | 1991 | 33 | 10ლ 2სბ |
| 1 | კახა ასიეშვილი | ბრივ [სფრ ტოპ 14] | 1987 | 31 | 5ლ |
| 1 | გიორგი თეთრაშვილი | აჟენ [სფრ ტოპ 14] | 1993 | 9 | : |
| 2 | შალვა მამუკაშვილი | ლოკომოტივი [საქ დ 10] | 1990 | 55 | 5ლ სბ |
| 2 | ჯაბა ბრეგვაძე | სან’ვულვზ [იაპ ზე 15] | 1987 | 49 | 2ლ 2სბ |
| 2 | გიორგი ჭყოიძე | გორის ჯიქი [საქ დ 10] | 1991 | 4 | : |
| 3 | ლევან ჩილაჩავა | ტულონ [სფრ ტოპ14] | 1991 | 39 | 7ლ სბ |
| 3 | ირაკლი მირცხულავა | უაიონაკს [სფრ ტოპ 14] | 1988 | 12 | : |
| 3 | გიორგი მელიქიძე | სტად ფრანსეზ [სფრ ტოპ 14] | 1996 | 8 | ლ |
| 2ხ | გიორგი ნემსაძე | ოსპრეიზ [უელ პრო 14] | 1984 | 82 | 13ლ [6 კაპ] 6სბ |
| 2ხ | შალვა სუთიაშვილი | ანგულემ [სფრ პრო დ2] | 1984 | 67 | 2ლ [15 კაპ] 3სბ |
| 2ხ | კოტე მიქაუტაძე | მონპელიე [სფრ ტოპ 14] | 1991 | 54 | 2ლ 3სბ |
| 2ხ | ნოდარ ჭეიშვილი | შონბრი [სფრ ფედ1] | 1990 | 12 | : |
| 3ხ | ვიტო კოლელიშვილი | კლერმონ [სფრ ტოპ 14] | 1989 | 48 | 4ლ [1 კაპ] 2წბ 6სბ |
| 3ხ | ოთარ გიორგაძე | კლერმონ [სფრ ტოპ 14] | 1996 | 11 | 2ლ |
| 3ხ | გიორგი ცუცქირიძე | ორიაკ [სფრ პრო დ2] | 1996 | 8 | სბ |
| 3ხ | მიხეილ გაჩეჩილაძე | ენისეი [რუს სუპერ] | 1990 | 6 | 2ლ |
| 3ხ | გურამ შენგელია | გორის ჯიქი [საქ დ 10] | 1992 | 2 | : |
საქართველოს რაგბის კავშირის პრესსამსახური
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ტოჩი ჩამოდის ორშაბათს 11:45-ზე
სუმომანთა კლუბი მივდივართ დასახვედრად
საკმაოდ მოუხერხებელი დროა ვინც მუშაობს იმათთვის მარა თუ მოგეცათ საშუალება, რაც მეტი ვიქნებით მით უკეთესი
მოკლედ, გეგმა არის ასეთი:
ორშაბათს დილით, 09:30-დან 10:00-მდე იკრიბებიან ბარათაშვილის ქუჩაზე, ე.წ. "კონკასთან", საიდანაც 10:05-ზე ავტობუსებით წავლენ აეროპორტისკენ.
ავტობუსებით წასვლა წამოსვლის საკითხი მოგვარებულია.
0?'>https://www.google.ge/maps/place/კონკა+Konka/@41.6961763,44.8048914,18z/data=!4m12!1m6!3m5!1s0x0:0xf27796ca7216c57!2z4YOX4YOQ4YOV4YOY4YOh4YOj4YOk4YOa4YOU4YOR4YOY4YOhIOGDm-GDneGDlOGDk-GDkOGDnOGDmA!8m2!3d41.6934362!4d44.8014844!3m4!1s0x40440ce4f920da7b:0x919faa36ec1d577d!8m2!3d41.6964224!4':'>https://www.google.ge/maps/place/კონკა+Konka/@41.6961763,44.8048914,18z/data=!4m12!1m6!3m5!1s0x0:0xf27796ca7216c57!2z4YOX4YOQ4YOV4YOY4YOh4YOj4YOk4YOa4YOU4YOR4YOY4YOhIOGDm-GDneGDlOGDk-GDkOGDnOGDmA!8m2!3d41.6934362!4d44.8014844!3m4!1s0x40440ce4f920da7b:0x919faa36ec1d577d!8m2!3d41.6964224!4'))
2016-ტი წლის იმ წარმატებულ ტესტებში კუნძულელებთან ბიწაძე ერთერთი გამორჩეული იყო, ასე რომ ვფიქრობ, ბექა მარქაფაში მაინც უნდა ჩაესვა მელიტონს.
ბიწაძეზე რჩება კითვის ნიშნები. 8 ნომერზე ალბათ გაჩეჩილაძეს ათამაშებს.
ფრუიძე, როგორც მე ვიცი, 7 კაცას დაუთმეს.
შემადგენლობა მეტნაკლებად ოპტიმალურია მაგრამ 8 ნომერი არ გვყავს, გორგაძე ტრამვის მერე ჯერ ფორმაში არ არის, ლომიძე მემგონი დაოჯახდა და მაგიტომ ისვენებს მაგრამ ბიწაძე რატომღა აღარ არის? ფრუიძის არ წაყვანაც არ მესმის მშვენიერი სეზონი ქონდა კლუბში ჩელენჯ ქაფზეც კარგად გამოვიდა. იმედი მაქვს ბეგაძეს ათამაშებს მილტონა თუნდაც ძირითადში დააწუებინებს ვასკას აშკარად მოკლებული აქვს ალბათ სათამაშო პრაკტიკის ნაკლებობის ბრალია
უფრო მეტი ინფორმაციაა საჭირო შემადგენლობსსთან დაკავშირებით. მაგ. რატომ არ არიან 3 ნომერზე ქუბრიაშვილი და ფეიქრიშვილი - აღარ ვიწვევთ. ან მესამე ხახში ლომიძე და ბიწაძე. სერიოზული ტესტებია და შემადგენლობა მიახლოებული უნდა იყოს ოპტიმალურთან.
გეთანხმებით, ნამდვილად მეტი ინფორმაციაა საჭირო. ისე, მე ვიცოდი, რომ ქუბრიაშვილი იქ დაემატაება, ტოპ 14ს მერე. ფინალში ხომ თამაშობს? ფეიქრიშვილი არ ვიცი, საინტერესოა.
მართლაც ურთულესი ტესტები გველის. ზღვისრეთელები მაგრად დავაბეჩავედ ბოლო დროს და უეჭველად რევანშის აღების ხასიათზე იქნებიან. იაპონელებზე ხო არც ღირს საუბარი - უკვე კარგა ხანია მათი გონება შინაურ მსოფლიო თასს დასტრიალებს და გიჯური მზადების პროცესში არიან.
პ.ს ნარიაშვილის "მონპელიე" დღეს თამაშობს ტოპ 14-ის ფინალს და ალბათ მერე დასვენებაც ერგება.
წარმატებას გისურვებთ ბიჭებო ! ! !
მოკლედ სერიოზული ტესტებია!!!
ალბათ რაც ტესტ სერია გვქონია (3 თამაშისგან შემდგარი), ყველაზე სერიოზულია.
ჩემი როგორც მომთხოვნი გულშემატკივრის (მომთხოვნი ვარ იმიტომ რომ გავცემ უსაზღვროდ ბევრ უძვირფასესს რაც მაქვს: ნერვულ უჯრედებს) მოთხოვნაა:
* მაქსიმუმი = 3 მოგება;
* კარგი შედეგი = 2 მოგება;
* ცუდი შედეგი = 1 მოგება;
* კატასტროფა = 3 წაგება;
* კატასტროფა = რეიტინგში დაქვეითება;
* მისაღები შედეგი = 1 თამაშის მოგება, თუმცა რეიტინგში ქულების შენარჩუნება.
3 მოგება მაქსიმუმიო... მგონი კაი მაგარი ფანტასტიკაა
2 მაგარი შედეგი
1 - დამაკმაყოფილებელი
3 - წაგება კი სამწუხარო მარგამ არა კატასტროფა
რეიტინგიც გვინდა, განვითარებაც, ახალი სახეებიც, ნარიაშვილიც, ასეიშვილის და კაკოვინიც, მატარაძესტან ერთად და ამდენი ერთბაშად ვერ გამოდის
მიშა ნარიაშვილი, ანტონ ფეიქრიშვილი, ფრუიძე რატომ არ არიან? კაკოვინზე არავინ გვაღირსა წესიერი პასუხი. ჭორის დონეზე ვიცით რომ კამათი მოუვიდა მელიტონთან.ხატიაშვილის გამოცდაც არ იქნებოდა ურიგო
ფრუიძის ანტონთან და მითუმეტეს ნაროსთან ერთ კონტექსტში მოხსენიება ცოტა უხერხულია
კარგია ნაროს რომ ასვენებენ, 3 წელი გადაბმულად თამაშობს. კაკოვინზე ის ხდება რაც დაწერე ცოტა რთულ ფორმებში ოღონდ. ხატიაშვილი რავი, მასზე წინ სხვები დგანან სიაში.
აბა თქვენ იცით
რაგბის კავშირს უთქვია, აქციას არ უერთდებითო, პოლიტიკური ელფერი დარავსო. ხალხი გაღიზიანებულია ამის გამო. ვინმემ თხოვა ამათ აქციაზე მისვლა? რატომ წანოხტნენ ვერ გავიგე. დაწერეთ აბა ვინმემ თუ იცით რაშია საქმე
მანიპულირებდნენ მავანნი, თამაშის მერე მორაგბეები აქციაზე მოდიანო და მაგიტომ გაკეთდა ეგ განცხადება. სწორი იყო თუ არა განცხადების გაკეთება ეგ სხვა საკითხია.
ხო მარა, ვიღაცის ნალაპარაკებზე რაღა საჭირო იყო ეგ კომენტარი როცა ასეთი გაცხელებულია ხალხი