უცხოური

16:30 | 27.03.2018 | ნანახია 2160 - ჯერ

სამხრეთამერიკული ჩემპიონატი ამერიკის 6 ერის ნაცვლად

სამხრეთ ამერიკის კონტინენტური სარაგბო ჩემპიონატი ახლებურად გაიმართება. "სამხრეთ ამერიკის 6 ერი A" - ასე ეწოდებოდა ამ ტურნირს, მაგრამ შეჯიბრებამ რებრენდინგი განიცადა და 5 მაისს განახლებული ტურნირი დაიწყება, რომელსაც მარტივად ეწოდა "სამხრეთამერიკული ჩემპიონატი". კონტინენტურ ელიტაში მყოფ პარაგვაის, ჩილესა და ბრაზილიას ქვედა დივიზიონიდან კოლუმბიის მორაგბეთა ნაკრები დაემატა, ხოლო სამხრეთ ამერიკის სარაგბო ლიდერები არგენტინა და ურუგვაი ტურნირში არა ეროვნული ნაკრებებით ჩაერთვებიან, არამედ შესაბამისად არგენტინა XV-ით და ურუგვაი XV-ით.

შედეგად, ოფიციალური საერთაშორისო ტესტების სტატუსი ექნება ტურნირის 9 მატჩიდან მხოლოდ 4-ს. 5 მაისს ბრაზილია უმასპინძლებს ჩილეს, 12-ში პარაგვაი - კოლუმბიას, ხოლო 19 მაისს ორი ტესტია: ჩილე - პარაგვაი და ბრაზილია - კოლუმბია. ესაა და ეს.

ფორმატის შესახებაც: ჩემპიონატი ტარდება 3 ტურად, ანუ თითოეული გუნდი თამაშობს 3 მატჩს და ასე არასრულყოფილი ცხრილით ვლინდება გამარჯვებული, ანუ რეგიონის ჩემპიონი. ცალკეულ მატჩში გამარჯვებულ გუნდს ბონუსი ენიჭება მეტოქეზე 3-ით მეტი ლელოს გატანისთვის. აქვე გთავაზობთ სამივე ტურის კალენდარსაც:

I ტური. 5 მაისი

კოლუმბია - ურუგვაი XV

პარაგვაი - არგენტინა XV

ბრაზილია - ჩილე

II ტური. 12 მაისი

ურუგვაი XV - ჩილე

არგენტინა XV - ბრაზილია

პარაგვაი - კოლუმბია

III ტური. 19 მაისი

არგენტინა XV - ურუგვაი XV

ჩილე - პარაგვაი

ბრაზილია - კოლუმბია


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:03 | 28.03.2018
qomagi (173)

მაგარი უაზრო ფორმატია 3-3 თამაში, მაგრამ კარგია რომ არგენტინა და ურუგვაი ფაქტიურად A ნაკრებებით ითამაშებენ და ჩვენც რომ დაგვრთონ ნება ევროპის ერთა თასზე A ნაკრებით თამაში არა? აქტიურად უნდა მოვითხოვოთ, ნება დაგვრთონ A ნაკრებით გამოვიდეთ

01:13 | 29.03.2018
NIKA..01 (269)

6 ერში თუ მიგვიღებენ დაგვრთავენ ახლაც გინდა ა ნაკრებით ვითამაშოთ და გინდაც ც ნაკრებით ვინ გვიშლის საკითხავი ისაა თუ ა ნაკრებს ვათამაშებთ ძირითადმა რა აკეთოს

14:52 | 28.03.2018
ანდროიდი (46)

ძირითადი სად ითამაშებს?

0.833003