საქართველოს ნაკრების კვაჭი შალვა მამუკაშვილი “კარკასონში” აღარ ითამაშებს. სარაგბო გამოცემა Rugby-transferts.Com წერს, რომ 27 წლის ჰუკერს ფრანგულმა კლუბმა კონტრაქტი არ გაუხანგრძლივა.
მამუკაშვილი “კარკასონს” გასულ ზაფხულს სამედიცინო ჯოკრის სტატუსით შეუერთდა. შალვამ “კარკასონის” რიგებში 8 შეხვედრა (320 წუთი) ჩაატარა. მას ჯერჯერობით ახალი სამუშაო ადგილი არ უპოვნია, თუმცა ვრცელდება ინფორმაცია, რომ სეზონის ბოლომდე დიდი 10-ის ერთ-ერთ კლუბში ითამაშებს. მამუკაშვილს საქართველოს ნაკრების მაისურით 50 კეპი აქვს მოხვეჭილი.
ცნობისთვის, “კარკასონი” პრო დ2-ში 23 ქულით, ბოლო მე-16 ადგილზეა. ამ კლუბში კიდევ ორი ქართველი დარჩა: ბურჯები გიორგი ნაცარაშვილი და მირიან ბურდული.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია