ფიჯის ნაკრების მგეზავი ბენ ვოლავოლა კარიერას ტოპ 14-ის ბინადარ “ბორდოში” განაგრძობს. ავსტრალიაში დაბადებულმა მორაგბემ ფრანგულ კლუბთან ხელი ორწლიან კონტრაქტს მოაწერა.

26 წლის მოთამაშე 2012 წლიდან მოყოლებული სუპერ რაგბიში თამაშობდა. 2013-2015 წლებში ავსტრალიური “ვორათაზის” ღირსებას იცავდა (8 მატჩი, 2 ლელო), 2016 წელს ახალზელანდიურ “კრუსეიდერსში” თამაშობდა (7 მატჩი, 1 ლელო), ხოლო 2017 წელს ავსტრალიურ “რებელსში” ირიცხებოდა (10 მატჩი).

ცნობისთვის, ვოლავოლა ავსტრალიის 20 წლამდელთა ნაკრებში თამაშობდა, მაგრამ “ვოლაბების” ძირითად გუნდში დამკვიდრება ვერ შეძლო და 2015 წელს ფიჯის ნაკრებში გადაწყვიტა თამაში. მან ოკეანელთა კვართი 21-ჯერ მოირგო და 4 ლელო გაიტანა.