შოტლანდიის ნაკრების ჰავბექი ალი პრაისი “გლაზგო უორიორსში” რჩება. მხარეებს შორის მოლაპარაკებები წარმატებით დასრულდა და 24 წლის 9 ნომერმა კონტრაქტი 2020 წლამდე გაახანგრძლივა.

ინგლისში დაბადებული მორაგბე “გლაზგო უორიორსში” 2013 წელს გადავიდა და ამ დროის განმავლობაში ჩატარებულ 48 მატჩში 8 ლელოს გატანა მოახერხა. შოტლანდიის ნაკრებში კი დებიუტი გასულ ნოემბერს საქართველოსთან მოგებულ (43:16) მატჩში ჰქონდა. მან 10 სანაკრებო კეპის მოხვეჭა მოასწრო და მეტოქეები ორჯერ დაალელოვა.