18 წლამდე მორაგბეთა 7-კაცა ნაკრები, რომელიც საქართველოს რაგბის აკადემიის პირველი ნაყოფია, დღეს გეზს სამხრეთ აფრიკისკენ აიღებს და 20-საათიანი მგზავრობის შემდეგ კეიპტაუნში ჩავა.

შეკრებაზე 16 მოთამაშე მიემგზავრება. მათი თვითმფრინავი თბილისიდან 17:20 საათზე მიფრინავს და 2:35-საათიანი ფრენის შემდეგ სტამბოლის (თურქეთი) აეროპორტში დაეშვება.

6-საათიანი ლოდინის შემდეგ 18-წლამდელთა 7-კაცას თვითმფრინავი გეზს სამხრეთ აფრიკისკენ აიღებს და 11:15-საათიანი ფრენის შემდეგ კეიპტაუნში დაეშვება.

"ვესთერნ პროვინსის" აკადემიაში შეკრება 10 დღე გაგრძელდება, გუნდი მონაწილეობას მიიღებს კოლეჯების ტურნირში და შინ 4 სექტემბერს დაბრუნდება. 8 სექტემბერს 18-წლამდელთა 7-კაცას 12-კაციანი გუნდი გერმანიაში გაემგზავრება, სადაც 9-10 სექტემბერს პირველად ითამაშებს ევროპის ჩემპიონატზე. ჯგუფურ ეტაპზე ჩვენი მეტოქეები ევროპის მოქმედი ჩემპიონი ირლანდია, მასპინძელი გერმანია და ლუქსემბურგი იქნებიან.

საქართველოს რაგბის კავშირის აკადემია