ახალზელანდიური „ჩიფსის“ ვინგერი ლელია მასაგა მომდევნო სეზონიდან „გლაზგო უორიორსის“ ღირსებას დაიცავს.აღნიშნული ინფორმაცია შოტლანდიური კლუბის ოფიციალურმა ვებგვერდმა დაადასტურა.

30 წლის გარემარბმა ახალ კლუბთან ორწლიანი კონტრაქტი გააფორმა.

მასაგა „ჩიფსის“ ღირსებას 2006-2013 წლებში იცავდა, საიდანაც იაპონურ „ჰონდა ჰიტსში“ გადავიდა, ხოლო მიმდინარე სეზონში კვლავ „ჩიფსში“ დაბრუნდა. ლელიას სუპერ რაგბიში 91-ჯერ აქვს ნათამაშები და 38 ლელო აქვს გატანილი, ხოლო 2012 და 2013 წლებში ამ ტურნირის გამარჯვებული გახდა.

ლელია მასაგას „ოლ ბლექსის“ შემადგენლობაში ერთხელ, 2009 წელს აქვს ნათამაშები.