ინგლისის ნაკრები ნოემბრის ტესტ-მატჩებს დანაკლისით ხვდება. ტრავმებით განსაკუთრებით მეორეხაზელები დაზარალდნენ და მარო იტოჟესა და ჯორჯ კრუიზის შემდეგ, ედი ჯონსი „ნორთჰემპტონის“ 27 წლის მორაგბე ქორთნი ლოუსაც მოისაკლისებს.
მას მუხლის ტრავმა აწუხებს, რომლის მოშუშება გაჭიანურდა:
„ქორთნის დაზიანება ძალიან ცუდად გამოიყურება. სამწუხაროდ, გაუმჯობესებას ვერ ვხედავთ. აუცილებელია სკანირება, რათა ტრავმის სიმძიმე დავადგინოთ. ვფიქრობ, ის ნოემბრის ტესტ-მატჩებს გამოტოვებს. ყოველ შემთხვევაში, მოედანზე მინიმუმ 2-3 კვირა ვერ გავა“ - განაცხადა „ნორთჰემპტონის“ მთავარმა მწვრთნელმა ჯიმ მალინდერმა.
ინგლისის ნაკრები 12 ნოემბერს სამხრეთ აფრიკას მასპინძლობს, 19-ში ფიჯის მიიღებს, 26-ში არგენტინას დაუხვდება, ხოლო 3 დეკემბერს ავსტრალიას შეხვდება.
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
მელა ჯოუნსს არ უნდა ზელანდიასთან შეხვედრა