ფლანკერი ჯეიმს ჰასკელი ინგლისის ეროვნულ ნაკრებს ნოემბრის ტესტ-სერიებში, ხოლო „უოსპსს“ დაახლოებით ექვსი თვის განმავლობაში ინგლისის პრემიერშიპსა და ჩემპიონთა თასზე ვერ დაეხმარება.
როგორც ირკვევა, ინგლისის ნაკრების ავსტრალიური ტურნეს დროს, მან ფეხის დიდი თითი დაიზიანა და საოპერაციოა, რის შემდეგაც აღდგენითი პროცესი ოთხიდან ექვს თვემდე გაგრძელდება.
„იმედგაცრუებული ვართ და ჯეიმსს სწრაფ გამოჯანმრთელებას ვუსურვებთ. სამწუხაროდ, ტრავმა სპორტსმენის თანამდევია და ვიმედოვნებთ, რომ ის მოედანს კიდევ უფრო უკეთეს ფორმაში დაუბრუნდება“ - თქვა „უოსპსის“ მთავარმა მწვრთნელმა დეი იანგმა.
შეგახსენებთ, რომ ჰასკელი ივნისის ტესტ-მატჩებში ინგლისის ნაკრების საუკეთესო მოთამაშედ აღიარეს. ნოემბერში ედი ჯონსის შეგირდებს ლონდონში, „თვიქენჰემზე“ სამხრეთ აფრიკის, ავსტრალიის, არგენტინის და ფიჯის ნაკრებებთან ელის შეხვედრა.
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია