საფრანგეთის მეორე ელიტარული დივიზიონის, პრო დ2-ის კლუბების - „ბიარიცის“ და „ნარბონის“ სააპელაციო საჩივრები დაკმაყოფილდა და ახალ სეზონს ისინი კვლავ მეორე ლიგაში დაიწყებენ.

ფინანსური პრობლემების გამო, სპორტული შედეგის მიუხედავად ამ გუნდებს რანგით მესამე, ფედერალ 1 დივიზიონში დაქვეითება ემუქრებოდათ, თუმცა ორივე მათგანმა შეძლო იმის დამტკიცება, რომ სიტუაციის გამოსწორებას მოახერხებენ. „ბიარიცმა“ პრობლემის გამოსასწორებლად სარეზერვო ფონდი გახსნა, ხოლო „ნარბონმა“ სხვადახვა წყაროებით 630 ათასი ევროს მობილიზება მოახერხა.

აღნიშნულ საქმეში მესამე ფიგურანტმა „ბურგუენმა“ ჯერჯერობით ვერ შეძლო იმის დამტკიცება, რომ გადახდისუნარიანი კლუბია და ის კვლავ რჩება დაქვეითების საფრთხის წინაშე. მას სიტუაციის გამოსასწორებლად რამდენიმე დღე რჩება. შეგახსენებთ, ფინანსური პრობლემების გამო პრო დ2-იდან „ტარბი“ უკვე გარიცხეს.

ზურა ქსოვრელი