“შევარდენზე” რაგბის ეროვნული აკადემიის 16-წლამდელთა გუნდი, თბილისში შეკრებაზე ჩამოსულ ბელგიური რაგბის კლუბ USAB Waterloo-ს 17 წლამდელთა გუნდს შეხვდა.

რამოდენიმე დღის წინ, გუნდებმა პირველი თამაში გამართეს, რომელშიც აკადემიელებმა 55:0 გაიმარჯვეს. მეორე შეხვედრაში ზვიად ცუხიშვილმა და გიორგი ენუქიძემ აკადემიის ის 16-წლამდელები გაიყვანეს მოედანზე, რომლებმაც წინა მატჩში არ ითამაშეს.

მეორე თამაშში 16-წლამდელებმა კვლავ გაიმარჯვეს, მაგრამ ამჯერად უფრო მოკრძალებული ანგარიშით 22:15.

მატჩის შემდეგ, “ვოთერლოუს” სამწვრთნელო შტაბის წარმომადგენლებმა განაცხადეს, რომ თბილისურ შეკრებაზე, გუნდმა ფასდაუდებელი გამოცდილება დააგროვა, რომელიც მათ საშინაო ჩემპიონატში აუცილებლად გამოადგებათ.

www.rugby.ge