ბორჯღალოსნები

16:50 | 5.02.2021 | ნანახია 1037 - ჯერ

რაგბი ევროპა | ბორჯღალოსნების შემადგენლობა რუსეთთან

ბორჯღალოსნების სამწვრთნელო შტაბმა 7 თებერვალს რუსეთთან გასამართი მატჩისთვის 23-კაციანი შემადგენლობა დაასახელა.

2020 წლის რაგბი ევროპის ჩემპიონატის დასკვნითი შეხვედრა, რომელიც აქამდე ორჯერ გადაიდო, „მიხეილ მესხზე“ 15 საათზე დაიწყება. სამწუხაროდ, კოვიდ-პანდემიით გამოწვეული შეზღუდვების გამო, მატჩს გულშემატკივარი ვერ დაესწრება.

მიუხედავად იმისა, რომ გაფართოებულ რაზმში ათი უკეპო მორაგბე იყო, 23-კაციან განაცხადში მათგან მხოლოდ ერთი, ბურჯი გიორგი ნუცუბიძე მოხვდა, რომელსაც აქამდე უმცროსი ბორჯღალოსნების რიგებში უთამაშია. 22 წლის მორაგბე, რომელიც ბოლო ორი სეზონია პრო დე2-ის ‘ბიარიცის’ შეუცვლელ მორაგბედ იქცა, თამაშში მარქაფიდან ჩაერთვება.

შერკინება

შერკინების პირველ ხაზში ორწლიანი შესვენების შემდეგ ბრუნდება გამოცდილი ბურჯი ზურაბ ჟვანია, რომელიც ბექა გიგაშვილს შუწყვილდება, კვაჭი კი შალვა მამუკაშვილია. აღსანიშნავია, რომ უკანასკნელი 18 მატჩიდან, 17 შემთხვევაში მამუკაშვილი ძირითად შემადგენლობაში იყო.

მეორე ხაზში ერთმანეთს პირველად შეუწყვილდებიან ლაშა ჯაიანი და გიორგი ჯავახია, რომელთა კეპების საერთო რაოდენობა მხოლოდ 10-ია. ჯავახიას ნაკრების კვართით ოთხჯერ უთამაშია, თუმცა ყველა ჯერზე შეცვლაზე შევიდა და ახლა სასტარტოში პირველადაა.

2018 წლის ივნისის შემდეგ, პირველადაა სასტარტო შემადგენლობაში მიხეილ გაჩეჩილაძე. მის ანგარიშზე 12 კეპია, თუმცა სასტარტოში აქამდე მხოლოდ 3-ჯერ უთამაშია და ბოლო ხუთ შემთხვევაში მარქაფაში იყო. მეორე ფლანკერი ბექა საღინაძე იქნება, რომელმაც ამ პოზიციაზე ადგილი დაიმკვიდრა, ხოლო შერკინების შემკვრელად ახალგაზრდა თორნიკე ჯალაღონიას ვიხილავთ.

სასტარტო შემადგენლობაში მყოფი მორკინალების კეპების ჯამი 179-ს შეადგენს და მათი დაახლოებით ორი-მესამედი ორ მორაგბეზე – ჟვანიასა და მამუკაშვილზე მოდის.

ხაზი

სასტარტო შემადგენლობაში პირველადაა 18 წლის დავით ნინიაშვილი, რომელიც ფულბეკის პოზიციას დაიკავებს. მან „შემოდგომის ერთა თასზე“ ირლანდიასა და ფიჯისთან შეცვლაზე ითამაშა.

შარშან ესპანეთთან მატჩის შემდეგ, ძირითად შემადგენლობაში ბრუნდება თამაზ მჭედლიძე, რომელიც ცენტრში გუნდის კაპიტან მერაბ შარიქაძეს შეუწყვილდება.

ერთწლიანი შესვენების შემდეგ ბორჯღალოსნების კვართს კვლავ მოირგებს მირიან მოდებაძე, რომელმაც შარშან, პირველ თებერვალს რუმინეთის წინააღმდეგ ითამაშაა და ახლა გუნდს დაუბრუნდა. მეორე ფრთა აკა ტაბუცაძე იქნება, რომელიც ბორჯღალოსნებს შარშან გაუშინაურდა.

ცენტრში კვლავ ვასილ ლობჟანიძისა და თედო აბჟანდაძის წყვილს ვიხილავთ. 2018 წლის ნოემბრიდან დღემდე, ეს წყვილი მე-16 თამაშს იწყებს, თედოს ანგარიშზე კი სულ 20 კეპია.

სასტარტო შემადგენლობაში მყოფი ხაზის მოთამაშეების კეპების ჯამი 229-ს შეადგენს, ანუ შვიდ ბექს უფრო მეტი საერთაშორისო თამაში აქვს ჩატარებული, ვიდრე რვა ფორვარდს.

მარქაფა

დებიუტანტი გიორგი ნუცუბიძის გარდა, პირველი ხაზის მარქაფაში არიან გიორგი ჭყოიძე და გიორგი მელიქიძე, რომელთაც ნაკრებში თამაშის საკმარისი გამოცდილება დაუგროვდათ.

მეორე ხაზში შეცვლაზე დავით გიგაურს ვიხილავთ, რომელმაც „შემოდგომის ერთა თასი“ გამოტოვა, ხოლო მესამე ხაზს გამოცდილი გიორგი (კოკი) თხილაიშვილი გააძლიერებს.

ლობჟანიძის შემცვლელად ტრადიციულად გელა აფრასიძეს ვიხილავთ. ხაზის მარქაფაში გამოცდილი ლაშა ხმალაძე და ახალგაზრდა დემე თაფლაძე არიან.

მარქაფაში მყოფი მორაგბეების კეპების ჯამი 220-ია.

2020 წლის რაგბი ევროპის ჩემპიონატი

V ტური (გადადებული მატჩი)

7 თებერვალი. თბილისი. მიხეილ მესხი. 15:00

საქართველო – რუსეთი

საქართველო

ხაზი: 15. დავით ნინიაშვილი (2 კეპი), 14. აკა ტაბუცაძე (7 კეპი, 30 ქულა), 13. თამაზ მჭედლიძე (60 კეპი, 35 ქულა), 12. მერაბ შარიქაძე (71 კეპი, 60 ქულა), 11. მირიან მოდებაძე (13 კეპი, 30 ქულა), 10. თედო აბჟანდაძე (20 კეპი, 118 ქულა), 9. ვასილ ლობჟანიძე (56 კეპი, 40 ქულა);

შერკინება: 1. ზურაბ ჟვანია (40 კეპი, 55 ქულა), 2. შალვა მამუკაშვილი (78 კეპი, 50 ქულა), 3. ბექა გიგაშვილი (18 კეპი, 5 ქულა), 4. ლაშა ჯაიანი (6 კეპი), 5. გიორგი ჯავახია (4 კეპი), 6. მიხეილ გაჩეჩილაძე (12 კეპი, 10 ქულა), 7. ბექა საღინაძე (17 კეპი, 15 ქულა), 8. თორნიკე ჯალაღონია (4 კეპი);

მარქაფა: 16. გიორგი ჭყოიძე (13 კეპი, 5 ქულა), 17. გიორგი ნუცუბიძე (უკეპო), 18. გიორგი მელიქიძე (22 კეპი, 10 ქულა), 19. დავით გიგაური (6 კეპი, 5 ქულა), 20. გიორგი თხილაიშვილი (60 კეპი, 60 ქულა); 21. გელა აფრასიძე (29 კეპი, 24 ქულა), 22. ლაშა ხმალაძე (85 კეპი, 53 ქულა), 23. დემე თაფლაძე (5 კეპი, 5 ქულა).

RUGBY.GE


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:07 | 06.02.2021
პანტელეიმონი (1211)


კიდევ ერთხელ მოგმართავთ რაგბის თემს ! ! ! არ მინდა, რომ ქართული რაგბის იმიჯი და ინსტუციური განვითარება განადგურებული იყოს ჩვენივე სიაბდლით. ისევე როგორც არ მინდა ქართველ რაგბისტებზეც გავრცელდეს ცნობილი რუსული გამოთქმა: Сила есть, ума не надо! არ მინდა, რომ ირაკლი აბუსერიძემ, როგორც თამაშის დროს ე.წ. "ბობსქეთით" უაზროდ და უმისამართოდ ისროდა რაგბის ბურთს ფეხით, ასევე უმისამართოდ ისროლოს გაურკვევლობაში, დღემდე შრომით, სისხლით და ოფლით მოტანილი ქართული რაგბი ! ! ! არ მინდა, რომ ერთი ადამიანის უსაფუძვლო ამბიციებს გადაყვეს მილიონობით ქართველისთვის საყვარელი, ვაჟკაცური სპორტის სახეობა ! ! ! ყოფილმა ნაქოცარმა პარლამენტარმა, უნდა იცოდეს რამე რომ ესწავლა, რომ ქვეყანა დიდ ფინანსურ - ეკონომიკურ კრიზისში იმყოფება და უახლოეს თვეებში დეფოლტია მოსალოდნელი, რაც გამოწვევს საქართველოს ბიუჯეტის რადიკალურ სეკვესტრს და მოსალოდნელია, რომ სპორტულ ფედერაციებს და კავშირებს ან საერთოდ შეუწყდეთ, ან მინიმუმამდე შეუმცირდეთ დაფინანსება. აქვე ღიად ვიტყვი მერე ვინმემ რომ რამე არ დამაბრალოს; კობახიძის და ივანიშვილის მყვარებელის დედა ......., მაგრამ ისევ მაგათთან არ უნდა მიხვიდეთ დახმარებისთვის, თუ ფედერაციის სათავეში დარჩით, რომ გაიძახით რაგბის საქმეში ნუ ერევითო? გიჟია გია ნიჟარაძე, მადლობას რომ უხდის ივანიშვილს? სად იქნებოდა ქართული რაგბი, რომ არა ოლიგარქის და მისი საქველმოქმედო ფონდის "ქართუ" -ს უპრეცედენტო დახმარება? გია ნიჟარაძის, პერსონალური დამსახურება არ არის, რომ შედგა სახელმწიფოს, რაგბის კავშირის და მთავარი ფინანსური დონორის უპრეცედენტო (განსვავებით სხვა სპორტული ფედერაციებისგან) თანამშრომლობა? როგორც გადმოცემით ვიცი ოლიგარქი ძალიან ჯიუტია და როგორც თქვენივე "ჩაშვებით" გამოჩნდა რაგბის სამყოროს მან გამოუგზავნა თავისი ნდობით აღჭურვილი ადამიანები და შემოგთავაზათ კანდიდატურა რომელსაც ის ანდობს რაგბისთვის განკუთვნილ თავის ფულს. ისიც გამოჩნდა, რომ ის აღარ ენდობა ყოფილ სრკ -ს პრეზიდენტს (თბილისში არაფერი იმალება და როგორც ჩანს ბატონი გოჩა სვანიძე სრკ -ის საკუთრებაში არსებული მიწის გასხვისების დროს წასრებულია "ღორობაში") და თქვენ ამ დროს "ღორთან" გარიგებაში შედიხართ, თუდაც ამის გამო, როგორ უნდა გენდოთ ვინმე?! ქვეყანაში საყოველთაო გაჭირვების და ფინანსურ - ეკონომიური კრიზისის პირობებში დიდად არც თიბისი -ს და არც სხვა სპონსორების იმედი არ უნდა გვქონდეს. ბატონმა ირაკლი აბუსერიძემ და მისმა უახლოესმა გარემოცვამ ეს რეალობა უნდა იცოდეს და მაშინ ისინი წმინდა წყლის ავანტურისტები გამოდიან და, თუ არ იციან კიდევ უფრო დიდ უბედურებასთან გვაქვს საქმე. დასკვნა ერთია; ან რაგბის ოჯახი გაითვალისწინებს რეალობას და ივლის რაგბის ინსტიტუციური განვითარების გზით ან ქართული რაგბი 20 წლის წინანდელ ეპოქაში იქნება მოსროლილი, როცა შიშველი პატრიოტიზმის და ჩვენი რაგბისტების თავგანწირვის იმედზეღა ვიქნებით დარჩენილი. იმედია გვეყოფა გონიერება და ავიცილებთ უსახსრობის გამო ქართველი რაგბიტების გარდაუვალ მასობრივ მიგრაციას სხვა ქვეყნებში და უპირველესად რუსეთში, სადაც რრფ -ს ფული არასოდეს გაუთავდება მისი პრეზიდენტის გამოისობით, რომელიც რუსეთის საგადასახო სამსახურს უდგას შეთავსებით სათავეში. იმედია, მართლაც რაგბი ჩვენი თამაშია ! ! !

17:28 | 05.02.2021
dinamo222 (689)

ხინჩეგაშვილი სადაა ??

0.116421