COVID-19-ით გამოწვეული ექვსთვიანი, იძულებითი შესვენების შემდეგ, საქართველოში რაგბი რეგიონალ-ლიგის გათამაშებით ბრუნდება.

რანგით მესამე დივიზიონში წელს რვა გუნდი ითამაშებს და ისინი დასავლეთ და აღმოსავლეთ ზონებად არ დაიყოფიან. გუნდები ორ წრედ ითამაშებენ და პირველ ადგილზე გასული გუნდი, 2021/2022 წლების სეზონში პირველ ლიგაში ითამაშებს, სადაც გაისად გუნდების რაოდენობა კვლავ 10-მდე შემცირდება.

რეგიონალ ლიგაში მეორე ადგილზე გასული გუნდი, მომავალ სეზონში პირველ ლიგაში ასასვლელად ორმატჩა დუელში ეთამაშება პირველი ლიგის მეორე ექვსეულის პირველ ადგილზე გასულ გუნდს.

წლევანდელ რეგიონალ ლიგაში ითამაშებენ ‘გორი’, ქედის ‘ფირალები’, ვანის ‘აიაეტი’, თბილისის ‘სპორტუნი იბერია’, თბილისის ‘წიქარა’, ზესტაფონის ‘არწივები’, ‘ბორჯომი’ და თბილისის ‘რაშები’.

ხვალ, 26 ნოემბერს, „რაგბი პლატოზე“ რეგიონალ ლიგის დებიუტანტი ‘რაშები’ ‘გორს’ მასპინძლობს. თამაში 15 საათზე დაიწყება.

პირველი ტურის სამი შეხვედრა 27 სექტემბერსაა ჩანიშნული. ‘ბორჯომი’ ‘ქედას’ გორში მასპინძლობს (16:00), ‘ზესტაფონი’ ‘ვანს’ თერჯოლაში დაუხვდება (16:00), ‘წიქარა’ კი ‘სპორტუნს’ „ავჭალაზე“ მიიღებს (18:00).

რეგიონული ლიგის ცხრილი და განრიგი

rugby.ge