ვეტერანმა ქართველმა მორაგბემ კარლენ ასიეშვილმა „ბრივი“ დატოვა. ინფორმაცია ფრანგული გუნდის ვებგვერდმა ოფიციალურად დაადასტურა.

„მადლობა კარლენ ასიეშვილს 7 სეზონისთვის და 122 მატჩისთვის შავ-თეთრებში. თქვენმა შეუპოვრობამ და ნიჭმა ბევრი რამ მოუტანა გუნდს. ასევე მადლობას გიხდით, განწყობისთვის, ჩვენთვის სტადიონზე ყოველთვის მისასალმებელი იქნებით“, - წერს ფრანგული გუნდის ვებგვერდი.

შეგახსენებთ, კარლენ ასიეშვილი „ბრივის“ ღირსებას 2013 წლიდან იცავდა, ხოლო მანამდე „ორიაკში“ უთამაშია. 33 წლის მორაგბეს საქართველოს ნაკრებში 34 კეპი აქვს მოხვეჭილი (25 ქულა).

აქვე გეტყვით, რომ „ბრივში“ 33 წლის ასიეშვილის გარდა კიდევ 7 ქართველი მორაგბეა - ვანო კარკაძე, სოსო ბეკოშვილი, ლუკა ჯაფარიძე, ვასილ ლობჟანიძე, თედო აბჟანდაძე, ოთარ გიორგაძე და ირაკლი ცხადაძე.