საერთაშორისო

19:03 | 21.02.2020 | ნანახია 1682 - ჯერ

საქართველო - ბელგია | წინასამატჩო პრესკონფერენცია

მატჩამდე 24 საათით ადრე, ბელგიის ნაკრებმა და ბორჯღალოსნებმა „აია არენაზე“ კაპიტნის ვარჯიში, გუნდების მთავარმა მწვრთნელებმა და კაპიტნებმა კი, ერთობლივი პრესკონფერენცია გამართეს.

„შავი ეშმაკების“ მთავარი მწვრთნელი გიომ აჟაკი ამბობს, რომ ხვალ მისი გუნდი რაგბი ევროპის ჩემპიონატის უძლიერეს გუნდთან თამაშით ბევრ რამეს ისწავლის:

„ჩვენი ახალგაზრდული გუნდის უპირველესი მიზანია, რომ სწავლა გავაგრძელოთ. ვიცით, რომ ევროპის ერთ-ერთი უძლიერესი გუნდის წინააღმდეგ, ძლიერი წნეხის ქვეშ მოგვიწევს თამაში. რაგბი ევროპის ჩემპიონატზე ბელგიის ნაკრების მიზანი ადგილის შენარჩუნებაა, რისკენაც რუსეთის დამარცხებით ერთი ნაბიჯი უკვე გადავდგით“.

მთავარ მწვრთნელს ეთანხმება გუნდის კაპიტანი თომას დინსტი:

„საკმაოდ კარგად ვართ მომზადებული და წინა ტურში რუსეთთან უმნიშვნელოვანესი გამარჯვება მოვიპოვეთ. ხვალინდელი თამაშის დიდი მოლოდინი გვაქვს, რადგან ვეთამაშებით ამ ტურნირის საუკეთესო გუნდს. ჩვენთვის ეს იქნება ძალიან კარგი მოსამზადებელი ნაბიჯი იმისათვის, რომ შემდგომში წარმატებით ვეთამაშოთ ესპანეთისა და რუმინეთის ნაკრებს“.

ბორჯღალოსანთა თავკაცი ლევან მაისაშვილი იმედოვნებს, რომ ჩვენი გუნდის თამაშის ხარისხი წინა ორ თამაშზე უკეთესი იქნება:

„ვეცდებით ხვალინდელ შეხვედრაში უკეთ წარმოვაჩინოთ ჩვენი შესაძლებლობები შეტევაში და დაცვაში. ნახავდით, რომ ბელგიის ნაკრებთან ჩვენც ახალგაზრდული შემადგენლობით ვითამაშებთ. გვყავს ახალი, 33-ე კაპიტანი. ბირთვი ახალგაზრდულია, თუმცა მჯერა, რომ მათ თავდაჯერებულობა არ აკლიათ და ვეცდებით საინტერესო და ლამაზი თამაში ვაჩვენოთ. მინდა ქუთაისელებს მადლობა გადავუხადო ტრადიციულად, კარგი მასპინძლობისთვის“.

გუნდის ახალი, ბორჯღალოსანთა ისტორიაში 33-ე კაპიტანი ბექა გორგაძე ქუთაისელ გულშემატკივარს შემტევ და სწრაფ რაგბს პირდება:

„მივყვებით გეგმას და ვცდილობთ, რომ მატჩიდან-მატჩამდე გავაუმჯობესოთ ჩვენი თამაშის ხარისხი. ბელგიასთან ჩვენი მიზანი სწორად ხარისხიანი თამაშის ჩვენებაა, რაც ესპანეთთან მეორე ტაიმში ვერ მოვახერხეთ. ვეცდებით გულშემატკივარს დახვეწილი, შემტევი და სწრაფი რაგბი ვაჩვენოთ. რაც შეეხება კაპიტნობას, ამ ტვირთს სრული პასუხისმგებლობით ვიღებ და შევეცდები მოედანზე ჩემი როლი კიდევ უფრო გავაღრმავო“.

რაგბი ევროპის ჩემპიონატის მესამე ტურში, საქართველოს ნაკრები ბელგიას „აია არენაზე“ მასპინძლობს. შეხვედრა 15 საათზე დაიწყება.


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
07:34 | 22.02.2020
dinamo222 (664)

ასე როგორ უნდა გძულდეს საკუთარი ქვეყანა ან რა სალაფავს უყრიან ?? ნახეთ რისთვის ემზადებიან სააკიან--სოროსის გველის წიწილები @ ქუთაისლებო თუ ეგ ნა...ბი გამოჩდებიან სტადიონზე ისე მოუკუპრეთ დედები რომ ასეთი მოღალატური აზრები აღარ მოუვიდეთ იმ სალაფავზე გაყიდულებს !----https://footballnews.ge/index.php?newsid=41109

14:21 | 23.02.2020
ოვალური კორბენი (268)

მაგ მეთოდს ნაღდად არ ვეთანხმები, თორე ისე ივანიშვილის დდშვც მე !!!
რაც მაგან სალაფავი ყარა მაგ ვითომ ქველმოქმედების სახით, იმიტომაა ქვეყანა ჯიბეში რომ უდევს და ბევრი მძ**რნაჭამი ღორივით გატრუნულა, ყურსაც არ აპარტყუნებენ.

04:02 | 22.02.2020
dinamo222 (664)

სულ ცოტა 50 ქულით უნდა მოვიგოთ ! უფრო ნაკლები ანგარიში უარყოფით შედეგად უნდა ჩავთვალოთ !

0.091245