ბორჯღალოსნები

16:55 | 22.02.2020 | ნანახია 3536 - ჯერ

"ბორჯღალოსნებმა" ბელგია გაანადგურეს

საქართველოს მორაგბეთა ნაკრებმა რაგბი ევროპის გათამაშებაში მესამე მატჩი ჩაატარა და მორიგი გამარჯვება იზეიმა. ლევან მაისაშვილის გუნდმა ქუთაისში ბელგიას უმასპინძლა, რომელმაც წინა ტურში რუსეთს დამაჯერებლად აჯობა.

თუმცა, „ბორჯღალოსნების“ წინააღმდეგ ბელგიელებს იოტისოდენა შანსიც არ ჰქონიათ და ეს მატჩის პირველივე წუთებიდან ცხადი იყო.

შედეგად, საქართველოს ბელგიელთა ჩათვლის მოედანს 12(!)-ჯერ უწია, ერთხელ სტუმრები საჯარიმო ლელოთიაც დაჯარიმდნენ და მოკლედ, გამანადგურებელი სხვაობა მივიღეთ. ხსენებული ლელოებიდან თედო აბჟანდაძემ რვა გარდასახა. აღსანიშნავია, აკაკი ტაბუცაძის გარჯა, რომელმაც პოკერი შეასრულა და ოთხი ლელო მიითვალა. დუბლით გამოირჩა ძნელაძე.

საპასუხოდ, ბელგიელები პირველ ტაიმში ორი ჯარიმით გამოირჩნენ და შედეგად, 78:6. საქართველოს ნაკრებს სამი ტურის თავზე 14 ქულა აქვს და პირველ პოზიციაზე დამაჯერებლად იმყოფება.

„ბორჯღალოსნები“ მომდევნო მატჩს 7 მარტს სტუმრად პორტუგალიის ნაკრების წინააღმდეგ ჩაატარებენ.

საქართველო - ბელგია 78:6 (33:6)

ქულები: ტაბუცაძე (4 ლ), კარკაძე (ლ), მათიაშვილი (ლ), ძნელაძე (2 ლ), ბეგაძე (ლ), გორგაძე (ლ), თხილაიშვილი (ლ), აბჟანდაძე (8 გ), ერთი საჯარიმო ლელო - ვასარი (2 ჯ)


კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
14:25 | 23.02.2020
ოვალური კორბენი (264)

ნუ, სათქმელი რაა ? თუ მართლაც ვვითარდებით და ამ ტურნირის უკიდურესი სისუსტე არ გვიტყუებს თვალს, მოვა წელს სერიოზული ტესტებიც და ვნახოთ - აბანოში გამოჩნდება, არსენ შენი შავი ტ**კიო, ნათქვამია

17:49 | 22.02.2020
dinamo222 (661)

კარგია დიდი ანგარიშით მოგება და უფრო კარგი ისაა რომ თამაშის სტილი იცვლება უფრო სწრაფად ვთამაშობთ და ხელითაც ეს დროულია იმიტომ რომ ბოლო დროს შერკინებაშიც აღარ გვქონდა ისეთი უპირატესობა იმიტომ რომ ყველამ შეისწავლა ჩვენი შერკინების სტილი და დაამუშავეს სხვადასხვა ეშმაკური ხერხები ამის საწინააღმდებოდ და ჩვენ მთავარ უოირატესოიბას ანულებდნენ ამიტომაც იყო ბოლო 1-2 წელში უკან უკან მივდიოდით!ეხლა კი მგონია რომ სწორ გზაზე ვდგავართ ადრე ვიძახდი რომ სასწრაფოდ უნდა ჩამოვიყვანოთ უცხოელი მწვრთნელი მაგრამ ეხლა რომ ვუყურებ ძალიან კარგ სტილს თამაშობენ და თუ ასე გააგრძელეს მაშინ ეს მწვრთნელები უნდა დარჩნენ ! ეხლა ერთერთი დიდი მინუსის გამოსასწორებლად უნდა ვიმუშაოთ---მაღალ ბურთებზე ბრძოლა აბრაგანების დროს სწრაფად გადასვლა და ჩააკეტვა ეს ყოველთვის იყო ჩვენი სუსტი წერტილი და ეხლაც რჩება თუნცა ამ თამაშში გამოჩდა 1-2 მომენტი როცა სწრაფად გადავიდნენ აბრაგანზე ჩვენები და იქვე გაუმართეს ბრძოლა ესეც კარგი ნიშანია და თუ ასე გაგრძელდა ძალიან მალე ძველ დიდებასაც დავიბრუნებთ და უფრო წინაც წავალთ

17:26 | 22.02.2020
federer (17) (465)

ბელგიასთან თამაშით რამდენად შეიძლება დასკვნების გაკეთება არ ვიცი, მაგრამ ეს ანგარიში ცოტა ოპტიმიზმის საშუალებას კი იძლევა, თან ახალი სახეებიც გამოჩნდნენ

0.073669