ქართველი მორაგბე შალვა სუთიაშვილი „ანგულემში“ რჩება. როგორც ფრანგული გუნდის ვებგვერდი იტყობინება, ქართველ მოთამაშესთან კონტრაქტი გახანგრძლივდა და კლუბში 2021-2022 წლების სეზონის ბოლომდე დარჩება.

სუთიაშვილი Pro D2-ის ბინადარი გუნდის ერთ-ერთი მთავარი ფიგურაა და ცოტა ხნის წინ გულშემატკივართა რჩეული გახდა - დეკემბრის თვის საუკეთესო მოთამაშედ დაასახელეს.

35 წლის ქართველი მესამე ხაზელი „ანგულემში“ 2015 წლიდან მოყოლებული თამაშობს, ხოლო იქამდე შვიდი სეზონის განმავლობაში „მასის“ ღირსებას იცავდა.