შიდა რაგბი

11:30 | 15.12.2019 | ნანახია 517 - ჯერ

დიდი 10 | "აია" 46:3 "იუნკერები"

ქუთაისის ‘აიამ’ 2 თვისა და 9 დღის შემდეგ გამარჯვების გემო წლის ბოლო მატჩში გაიხსენა. მე-11 ტურში მათ დიდი 10-ის დებიუტანტ ‘იუნკერებს’ უმასპინძლეს და ბონუსით სძლიეს - 46:3.

აღსანიშნავია, რომ ‘იუნკერებმა’ დიდ 10-ში ბონუს-ქულით პირველი შეხვედრა დათმო და ზედიზედ მეორე შეხვედრაში ვერ შეძლო თავად ქულის აღება.

მასპინძლები გიორგი ბაბუნაშვილის 10 ქულით დაწინაურდნენ. მან ჯერ ლელო გაიტანა, მერე გარდასახვა და ჯარიმა. რამაზ ხარაზიშვილმა თავისი გუნდის 3 ქულა 31-ე წუთზე, ჯარიმით აიღო, თუმცა ‘იუნკერებმა’ შესვენებამდე ორი ლელო გაუშვა. 5-5 ქულა თემურ კოხოძისა და გიორგი ნუცუბიძის ანგარიშზეა, ბაბუნაშვილმა კი ერთი გარდასახა - 22:3.

მეორე ტაიმში ‘აიამ’ კიდევ ოთხი ლელო გაიტანა. თავი ლაშა შალიკაშვილმა, ლაშა ლომიძემ, გიორგი აბრამიძემ და სანდრო ფურცხვანიძემ გამოიჩინეს, ხოლო ბაბუნაშვილმა ორი გარდასახა.

‘აიას’ 31 ქულა აქვს და ხვალამდე მეოთხე ადგილზეა, ‘იუნკერები’ კი 15 ქულით მე-9 პოზიციაზე რჩება.

rugby.ge


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
16:45 | 15.12.2019
test (123)

ეგ ყველაფერი კეთილი და პატიოსანი, მანგრამ იქნებ კითხოთ სვანიძეს რაზე შეთანხმდა არტემიევთან ასე რომ გამოფინა პატარძლის საცვალივით, ბართული კლუბები ითამაშებენ, ახლად დაარსებულ ლიგაშიო? დავიჯერო არ გინახავთ ეს ინტერვიუ?

0.074061