შიდა რაგბი

19:17 | 14.12.2019 | ნანახია 585 - ჯერ

დიდი 10 | "ჯიქი" 24:12 "არმაზი"

გორის ‘ჯიქმა’ დიდი 10-ის მე-11 ტურის პირველ მატჩში მარნეულის ‘არმაზი’ 24:12 დაამარცხა და წელი სამი გამარჯვებით დაასრულა.

მატჩი ‘არმაზის’ შეტევებით დაიწყო, თუმცა ანგარიში ‘ჯიქმა’ გახსნა - გიორგი კვესელაძემ საკუთარ 22-თან გადაცემა ჩაჭრა და ლელომდე ირბინა, ხოლო რეზი ჯინჭველაშვილმა გარდასახა. მე-12 წუთზე სანდრო კალმახელიძემ კოტე მარჯანიშვილზე მაღალი ბოჭვა შეასრულა და სინბინით დაისაჯა, 4 წუთში კი მეტობა დიტო კალანდაძემ გამოიყენა, კვესელაძემ ხაზი გაჭრა და ბექა წიკლაურმა ის ფრთაზე მარტო დატოვა. ჯინჭველაშვილი კვლავ ზუსტი იყო - 14:0.

29-ე წუთზე ‘ჯიქმა’ ვალი დააბრუნა. მათ მეტოქის ნახევარზე, მარცხენა ფრთაზე შეტევაში დაკარგეს ბურთი, რომელსაც ფეხი ორჯერ წაკრა ნიკა გიგაურმა, აიტაცა და ძელებსშუა გატანილი ლელო ლუკა მატკავამ გარდასახა. კალანდაძემ ორ წუთში დუბლით უპასუხა, რომელიც ასევე მცველის შეცდომას მოყვა - მან წიკლაურის ფეხით შეცურებული ბურთი ვერ დაიმორჩილა და ის დიტომ დაამიწა - 19:7.

მეორე ტაიმი 5 წუთის დაწყებული იყო, როდესაც დუბლი გიგაურმაც შეასრულა. ის თავის ნახევარზე მბოჭავს გაექცა, ლელომდე ვეღარავინ დაეწია და სხვაობა 7 ქულამდე დაიყვანა. მერე დამრტყმელებმა ჯარიმები გააფუჭეს, 65-ე წუთზე კი, მარჯანიშვილმა მცველს შემოურბინა, ლელო გაიტანა და საბოლოო ანგარიში დააფიქსირა - 24:12.

‘ჯიქი’ ახალ წელს 29 ქულით ხვდება და ექვსეულში დამკვიდრდა, ‘არმაზს’ კი 15 ქულა დარჩა და კონკურენტების თამაშების შედეგებს ელოდება.

rugby.ge


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.109169