საერთაშორისო

16:49 | 5.10.2019 | ნანახია 2156 - ჯერ

იაპონიის ზედიზედ მესამე გამარჯვება

იაპონიის ნაკრები მსოფლიო თასზე შესანიშნავად ასპარეზობას აგრძელებს და მიჯრით მესამე გამარჯვება იზეიმა. მასპინძლები ამჯერად სამოას ნაკრებს დაუხვდნენ და ბონუს ქულით დაამარცხეს.

იაპონია უპირატესობას თავიდანვე დაეუფლა, მაგრამ თითქმის ნახევარი საათი ქულებს მხოლოდ ორი მორაგბე იუ ტამურა და ჰენრი ტაეფუ ჯარიმებით აგროვებდნენ. იაპონიამ მეტოქე პირველად 28-ე წუთზე დაალელოვა. და შემდეგ უპირატესობას მეთოდურად ზრდიდა.

შეხვედრის დასრულებამდე 7 წუთით ადრე სამოამაც უპასუხა მასპინძელთა ორ ლელოს ერთი ლელოთი, რომელიც ტაეფუს ანგარიშზე იყო და ჩამორჩენა 7 ქულამდე შეამცირა. აზიელებს პრემიალური ქულის მოსაპოვებლად დარჩენილ დროში 2 ლელოს დადება სჭირდებოდათ, რაც მოახერხეს კიდეც.

მათ შორის, მეოთხე ბონუს ქულისმომტანი ლელო 85-ე წუთზე გავიდა და ჩათვლის მეოდანს ხანგრძლივი შეტევის შემდეგ მაცუშიმამ უწია. საბოლოოდ, იაპონიის ნაკრებმა 38:19 იმარჯვა და A ჯგუფს 14 ქულით ლიდერობს. თუმცა, ჯგუფიდან გასვლისთვის ბრძოლა ჯერ კიდევ მოუწევს, რადგან ბოლო ტურში უშუალო კონკურენტ შოტლანდიას დაუპირისპირდება და წაგების უფლება არ ექნება.

ბოლოსკენ ისიც აღვნიშნოთ, რომ იაპონიის ნაკრებმა ზედიზედ მეორე მსოფლიო თასზე მოახერხა ჯგუფურ ეტაპზე სამი თამაშის მოგება და ამ გუნდის პროგრესი აშკარა და უტყუარია.

იაპონია - სამოა 38:19 (16:9)


კომენტარები (4)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
22:33 | 06.10.2019
ogafa (404)

ამათ აქვთ პროგრესი

10:58 | 06.10.2019
gulshematkivari (5)

სანამ არ შეიქმენება საქართველოში 1 გუნდი მაინც რომელიც ჩაერთვება პრო 14 ში იქმადე ერთი ადგილის ნაყვა გამოგვივა

12:10 | 06.10.2019
sabonis (73)

მართალი ხარ.

17:55 | 05.10.2019
ოვალური კორბენი (248)

საკმაოდ ჩამოჰგავს იმ სიტუაციას, წინა მსოფლიო თასზე რომ იყო.
მაშინ სამი მოგებით დაასრულეს ჯგუფში ასპარეზობა და ერთადერთმა, შოტლანდიასთან მარცხმა დატოვა "საკურები" პლეიოფს მიღმა. ახლაც შეიძლება იგივე განმეორდეს.
მაშინაც ჯგუფის ფავორიტს მოუგეს და ეხლაც (2015 ს/აფრიკა, 2019 ირლანდია). სამოა მაშინაც მიაფარჩაკეს და დღესაც მიუხედავად საბრძოლო ანგარიშისა, კითხვის ნიშნის ქვეშ არ დაუყენებიათ შედეგი.
მოკლედ, შეიძლება ისევ ჩარჩნენ. თუმცა კი იმსახურებენ გასვლას.

17:46 | 05.10.2019
federer (17) (458)

იაპონიას სერიოზული პროგრესი აქვს და ჩემთვის ეს გუნდი მეორე ეშელონის გუნდი აღარაა და სამწუხაროდ ჩვენ ისევ მეორე ეშელონში ვართ არადა წლების მანძილზე ერთნაირად მოვდიოდით და ბოლოს მაგრად გაგვასწრესმ

10:20 | 07.10.2019
miriani (151)

მანდ რაც ფული ჩადეს რაგბში კი უნდა ჰქონდეთ შედეგი...

22:33 | 06.10.2019
ogafa (404)

+

0.107489