საერთაშორისო

14:28 | 5.10.2019 | ნანახია 2162 - ჯერ

არგენტინა მსოფლიო თასს ემშვიდობება

არგენტინის ნაკრებმა მსოფლიო თასის მეოთხედფინალში გასვლის შანსი პრაქტიკულად დაკარგა. „პუმები“ ინგლისის ნაკრებს ტოკიოში გაეჯიბრნენ და გამარჯვება სჭირდებოდათ, რაც ცხადია, ურთულესი მისია იყო.

შეხვედრა სამხრეთ ამერიკელთა შეტევებით დაიწყო და მე-7 წუთზე ურდაპილეტას ჯარიმით დაწინაურდნენ კიდეც, მაგრამ შემდეგ თამაშის სადავეები მთლიანად ინგლისმა იგდო ხელთ და საფინალო სასტვენამდე სურათი არ შეცვლილა.

არგენტინის ნაკრების ვითარება მე-18 წუთზე, როდესაც ანგარიში 5:3 იყო, ძალიან დამძიმდა, რადგან ლავანინი უხეშობისთვის წითელი ბარათით დაისაჯა და საკუთარი გუნდს დააღალატა.

მარტივი მისახვედრი იყო, რომ არგენტინა ინგლისს კაცნაკლული ვერაფერს დააკლდება და ასეც მოხდა. ალბიონელებმა მეტოქის ჩათვლის მოედანს 6-ჯერ უწიეს და დამაჯერებლად, 39:10 იმარჯვეს.

ინგლისი 15 ქულით ჯგუფის ლიდერია, ხოლო არგენტინას მხოლოდ 6 ქულა აქვს და მესამე პოზიციაზეა.

ინგლისი - არგენტინა 39:10 (15:3)


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.082042