სიახლეები

19:50 | 31.08.2019 | ნანახია 646 - ჯერ

18წ შვიდქალა ევროპის ჩემპიონატზე

საქართველოს 18-წლამდე 7-ქალა ნაკრები დღეს გამთენიისას პოლონეთში გაემგზავრა, სადაც ევროპის ჩემპიონატში ითამაშებს.

წელს ტურნირი ერთ ჯგუფად იმართება და ქართველ გოგონებსაც ელიტარულ გუნდებთან მოუწევთ თამაში. 16 ნაკრები ოთხ ჯგუფშია განაწილებული და საქართველო „გ“ ჯგუფში ირლანდიის, შოტლანდიის და ლატვიის ნაკრებებთან მოხვდა; „ა“ ჯგუფში საფრანგეთი, პორტუგალია, გერმანია და ჩეხეთი განაწილდნენ; „ბ“ ჯგუფში ინგლისი, უელსი, ბელგია და უკრაინა; ხოლო „დ“ ჯგუფში რუსეთი, ესპანეთი, შვედეთი და პოლონეთი.

ქალაქ იაროცინში ჯგუფური ეტაპის მატჩები 31 აგვისტოს, საქართველოს დროით 12 საათზე დაიწყება. ჩვენი გუნდი პირველ შეხვედრას 13:28 საათზე ირლანდიასთან გამართავს; 16:46-ზე შოტლანდიას ეთამაშება; ჯგუფურ ეტაპს კი 20:04 საათზე ლატვიასთან მატჩით ასრულებს.

1 სექტემბერი ფლეი ოფების დღეა და ჯგუფის ორ-ორი მოწინავე თასის მეოთხედფინალში გადის, ხოლო დანარჩენები მე-9-მე-16 ადგილებს გაითამაშებენ. პოლონეთში ყველა გუნდს 6-6 თამაშის ჩატარება მოუწევს.

პოლონეთში ითამაშებენ:

მარიამ სიხარულიძე, ლიკა ბჟალავა, ლიკა ტოტოჩია, სალომე ჩხაიძე (ყველა თბილისი), რუსუდან რუსიშვილი, ინგა კაზაროვა, ნათია გოგოლაშვილი, მარიამ ჟორჟოლიანი (ყველა ქუთაისი), მარიამ ბერაძე, მარიამ გუგუჩია (ორივე ზუგდიდი), ნინო მელუა, ნინო მეფარიშვილი (ორივე ოზურგეთი).

მწვრთნელები: ტიხონ ხახალეიშვილი, ვლადიმერ დოლაბერიძე

მენეჯერი: ია ხურცილავა

ექიმი: ოთარ თაბაგარი

rugby.ge


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.069596