ტესტ-მატჩები

17:20 | 18.08.2019 | ნანახია 1065 - ჯერ

უელსმა ინგლისს სძლია და რეიტინგში პირველობა გაინაღდა

უელსის მორაგბეთა ეროვნულმა ნაკრებმა გასულ უქმეებზე ლონდონში განცდილი მარცხისთვის რევანშის აღება მოახერხა. “დრაკონებმა”, რომლებიც 2019 წლის მსოფლიო თასზე “ბორჯღალოსანთა” ერთ-ერთი მეტოქეები არიან, კარდიფში ინგლისელებს 13:6 სძლიეს.
“პრინსიპალითი სთედიუმზე” გამართულ მატჩს 74 ათასამდე მაყურებელი დაესწრო, შეხვედრის საუკეთესო მორაგბედ კი მასპინძელთა მგეზავი დენ ბიგარი აღიარეს, როკელმაც გარდასახვა და ჯარიმა მიითვალა და გუნდის იერიშებს ჩინებულად უძღვებოდა.
შეხვედრის ერთადერთი ლელო ჯორჯ ნორსმა დადო, კიდევ ერთი გარდასახვა ლი ჰალფპენიმ შეაგდო, ინგლისელთა 6 ქულა კი ჯარიმებით ჯორჯ ფორდმა მიითვალა.
აღნიშნული გამარჯვება უელსელებისთვის ისტორიული აღმოჩნდა, რადგანაც ორშაბათის რეიტინგში ისინი ახალი ზელანდიის ნაკრებს ჩამოაქვეითებენ (“ოლ ბლექსს” პირველობა 10 წელი არ დაუთმია) და ისტორიაში პირველად ლიდერის რანგში მოგვევლინებიან.
შეგახსენებთ, რომ მომავალ მსოფლიო თასზე უელსის და საქართველოს ნაკრებები D ჯგუფში ითამაშებენ. “დრაკონებისა” და “ბორჯღალოსნების” შერკინება პირველ ტურში, 23 სექტემბერს ტოიოტაში ჩატარდება.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
11:59 | 19.08.2019
krasni (560)

ესენი ახლა გაგიჟდნენ მაინცდამაინც.

0.091229