ეროვნული ნაკრები

19:05 | 15.08.2019 | ნანახია 2226 - ჯერ

უელსელები უკვე საქართველოსთან მატჩზე ფიქრობენ

უელსის სარაგბო ნაკრებმა, რომელიც 2019 წლის მსოფლიო თასზე საქართველოს ერთ-ერთი მეტოქეა, ინგლისთან მოახლოებული ტესტ-მატჩისთვის შემადგენლობა დაასახელა.
“დრაკონების” მთავარ მწვრთნელ უორენ გეთლენდს თამაშის წინა პრესკონფერენციაზე არ დაუმალავს, რომ შაბათს დაგეგმილ შეხვედრას “ბორჯღალოსნებთან” ჯახისთვის კარგ რეპეტიციად განიხილავს.
შეგახსენებთ, რომ გასულ უქმეებზე უელსელები ლონდონურ “თვიქენჰემზე” 19:33 დამარცხდნენ, ახლა კი, ინგლისელებს მოშბლიურ კარდიფში, “პრინსიპალითი სთედიუმზე” დაუხვდებიან და რევანშისთვის იბრძოლებენ.
წინა ტესტთან შედარებით, გეთლენდმა სასტარტო შემადგენლობაში 3 ცვლილება განახორციელა. მე-2 ხაზში ნაკრების კაპიტან ალუნ უინ ჯონსთან ერთად ჯეიკ ბოლი გაირჯება, მე-3 ხაზში კი ჯეიმს დევისს ვიხილავთ და ეს, პირველი შემთხვევა იქნება, როდესაც საქმეში ერთბაშად ორ ძმა დევისი ჩაერთვება.
გარეთ დევისი ტრადიციულად 9 ნომრის პოზიციაზე გაირჯება, რომელსაც ღერძში მგეზავად დენ ბიგარი შეუწყვილდება. ეს უკანასკნელი ტრავმირებულ გარეთ ენსკომბს ჩაანაცვლებს, რომელსაც წინასწარი ინფორმაციით, მსოფლიო თასზეც ვერ ვიხილავთ.
“მომავალი უიქენდი კიდევ ერთი შესაძლებლობაა, რათა მინდორზე საკუთარი თავი გამოვცადოთ და იაპონიაში დაგეგმილი ტურნირისთვის კარგად მოვემზადოთ. საქართველოსთან სასტარტო მატჩამდე ხუთ კვირაზე ცოტა მეტი რჩება და ძალიან მნიშვნელოვანია, იმ დროისთვის სრულ მზადყოფნაში ვიყოთ.
ინგლისთან გასულ მატჩში მარცხმა დიდი იმეგაცრუება მოგვიტანა. მომავალ შაბათს მეტი შრომა გვმართებს, რათა ტრიბუნებზე შეკრებილ პუბლიკას სიხარული მოვუტანოთ. ბიჭებს უნდათ მსოფლიო თასამდე, წინ კიდევ ერთი ნაბიჯი გადადგან და შედეგები გააუმჯობესონ”, - აღნიშნა გეთლენდმა.

უელსის ნაკრები ინგლისთან მატჩისთვის
უელსი: 1. ნიკი სმითი, 2. კენ ოუენსი, 3. ტომას ფრენსისი, 4. ჯეიკ ბოლი, 5. ალუნ უინ ჯონსი (კაპ.), 6. აარონ უეინრაითი, 7. ჯეიმს დევისი, 8. როს მორიარტი, 9. გარეთ დევისი, 10. დენ ბიგარი, 11. ჯოშ ადამსი, 12. ჰედლი პარკსი, 13. ჯონათან დევისი, 14. ჯორჯ ნორსი, 15. ლიამ უილიამსი.
მარქაფა: 16. ელიოტ დი, 17. უინ ჯონსი, 18. დილონ ლუისი, 19. აარონ შინგლერი, 20. ჯოშ ნავიდი, 21. ელედ დევისი, 22. ჯაროდ ევანსი, 23. ოუენ უოტკინი.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.074368