ბორჯღალოსნებმა, რომლებიც 2019 წლის იაპონიის მსოფლიო თასისთვის ემზადებიან მეორე, ანტალიის შეკრება დაასრულეს და სამშობლოში დაბრუნდნენ.

თურქეთში გუნდს საკმაოდ დატვირთული გრაფიკი ჰქონდა და ფიზმომზადების გარდა, დიდი დრო ეთმობოდა ვიდეო-ანალიზს, ასევე ბურთით ვარჯიშს.

შინ დაბრუნებული ბორჯღალოსნები 10 დღე დაისვენებენ და 19 აგვისტოს, დასკვნით შეკრებაზე „შევარდენის“ სანაკრებო ბაზაზე შევლენ.

მზადების პროცესში მილტონ ჰეიგის შეგირდები სამ საკონტროლო თამაშს გამართავენ, რომელთაგან ორი თბილისში, თიბისი რაგბის სერიების ეგიდით ჩატარდება. 27 აგვისტოს „მიხეილ მესხზე“ პრო 14-ის სამხრეთ აფრიკული ფრანჩაიზი "საუზერნ კინგსი" გვეწვევა და შეხვედრა 19:15 საათზე დაიწყება, ხოლო 31 აგვისტოს შოტლანდიას "დინამო არენაზე“, 20 საათზე დავუხვდებით. აღსანიშნავია, რომ შოტლანდია პირველი გუნდია ტიერ1-ის ქვეყნებიდან, რომელიც საქართველოში ჩამოვა.

მსოფლიო თასამდე შოტლანდიას კიდევ ერთხელ, ამჯერად სტუმრად 6 სექტემბერს შევხვდებით. დასკვნითი მოსამზადებელი თამაში ედინბურგში, 67-ათასიან "მარიფილდზე“ ჩვენი დროით 22:30 საათზე დაიწყება.

მსოფლიო თასზე საქართველო "დ" ჯგუფში ავსტრალიის, უელსის, ფიჯისა და ურუგვაის ნაკრებებთან ითამაშებს. პირველი შეხვედრა 23 სექტემბერს, საქართველოს დროით 14:15 საათზე უელსთან გვაქვს; 29 სექტემბერს, 09:15 საათზე ურუგვაის ვეთამაშებით; 3 ოქტომბერს, ასევე 09:15 საათზე ფიჯის შევხვდებით, ხოლო ჯგუფურ ეტაპს 11 ოქტომბერს, 14:15 საათზე ავსტრალიასთან მატჩით ვასრულებთ.

მესამე შეკრებაზე შევლენ

შერკინება | ფორვარდები: მიხეილ ნარიაშვილი, კარლენ ასიეშვილი, გურამ გოგიჩაშვილი, ჯაბა ბრეგვაძე, შალვა მამუკაშვილი, ვანო კარკაძე, გიორგი ჭყოიძე, ლევან ჩილაჩავა, ბექა გიგაშვილი, გიორგი მელიქიძე, კოტე მიქაუტაძე, გიორგი ნემსაძე, შალვა სუთიაშვილი, ნოდარ ჭეიშვილი, ბექა საღინაძე, დავით გიგაური, ლაშა ლომიძე, ოთარ გიორგაძე, გიორგი თხილაიშვილი, გიორგი ცუცქირიძე, ბექა გორგაძე.

ხაზი | ბექები: ვასილ ლობჟანიძე, გელა აფრასიძე, გიორგი ბეგაძე, ლაშა ხმალაძე, თედო აბჟანდაძე, გიორგი აფციაური, ლაშა მალაღურაძე, ზურაბ ძნელაძე, მერაბ შარიქაძე, თამაზ მჭედლიძე, დავით კაჭარავა, გიორგი კვესელაძე, მირიან მოდებაძე, ალექსანდრე თოდუა, მერაბ კვირიკაშვილი, იოსებ მათიაშვილი.

www.rugby.ge