ამბები

23:25 | 29.07.2019 | ნანახია 2407 - ჯერ

“ქურციკებმა” ინგლისი ჩამოაქვეითეს

სამხრეთ აფრიკის მორაგბეთა ეროვნულ ნაკრებს ველინგთონში ახალ ზელანდიასთან მატჩში დაფიქსირებული ფრე (16:16) დაუფასდა და მსოფლიო რეიტინგში მე-4 ადგილზე გადაინაცვლა.
შეგახსენებთ, რომ “ქურციკებმა” ჰერშელ იანტისის ლელოსა და ანდრე პოლარდის გარდასახვის წყალობით, “ოლ ბლექსს” ანგარიში ბოლო წუთებზე გაუთანაბრეს და რაგბი ჩემპიონშიპის მოგების ერთ-ერთ უმთავრეს პრეტენდენტად რჩებიან, კლასიფიკაციაში კი ადგილი ინგლისს გაუცვალეს.
აღნიშნული ტურნირის მე-2 მატჩში, ბრისბენში, ავსტრალიელებმა კრისტიან ლეალიიფანოს ჩუბინობის (გარდასახვა და 3 ჯარიმა) წყალობით, არგენტინას 16:10 სძლიეს, თუმცა, რეიტინგში ისევ მე-6 ადგილზე იმყოფებიან.
კლასიფიკაციაში კიდევ ერთი ცვლილება წყნარი ოკეანის თასის 2019 წლის გათამაშებას უკავშირდება. ტონგას ნაკრებმა აპიაში სამოასთან 17:25 წააგო და მე-13 საფეხური იტალიას გადაულოცა.
ამავე შეჯიბრში იაპონიამ კამაიშიში ფიჯის მოულოდნელად იოლად – 34:21 მოუგო და მართალია, მე-11 ადგილზე დარჩა, სწორედ “მფრინავ ფიჯელებს” მხოლოდ 0.77 ქულით ჩამორჩება, მათ შორის კი არგენტინის ეროვნული გუნდია.
კვლავად მე-12 ადგილზე იმყოფება საქართველოს ეროვნული ნაკრები, რომლის აქტივშიც 74.42 ქულაა. “ბორჯღალოსნებს” რეიტინგში წინსვლის შანსი აგვისტოში ექნებათ, როდესაც შოტლანდიელებთან 2 ტესტ-მატჩი ელით.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.074809