ეროვნული ნაკრები

17:05 | 16.07.2019 | ნანახია 2757 - ჯერ

უელსის ნაკრების კვაჭი: “საქართველოს უნიკალური ძალა და იარაღი გააჩნია”

უელსის მორაგბეთა ეროვნული ნაკრების კვაჭი კენ ოუენსი 2019 წლის მსოფლიო თასის ჯგუფური ეტაპის მატჩებს გამოეხმაურა და მათ შორის, “ბორჯღალოსანთა” შესახებაც აღმატებით ხარისხში ისაუბრა.
შეგახსენებთ, რომ უმთავრესი სარაგბო ტურნირი 20 სექტემბრიდან 2 ნოემბრამდე პერიოდში იაპონიაში ჩატარდება, უელსი და საქართველო კი D ჯგუფში ავსტრალიასთან, ფიჯისთანა და ურუგვაისთან ერთად ითამაშებენ.
“მსოფლიო თასზე იოლი მატჩი არ არსებობს. იგივე ფიჯიმ საფრანგეთში გამარჯვება მოახერხა, ხოლო როდესაც კუნძულელები საფუძვლიან შეკრებას გადიან, კიდევ უფრო სახიფათო ხდებიან.
ცხადია, საქართველოსაც ვერ ჩამოვწერთ, რომელსაც უნიკალური ძალა და იარაღი გააჩნია. უბრძოლველად არც ურუგვაი დაარიგებს ქულებს.
ამდენად, ვერ ვიტყვი, რომ თუკი ავსტრალიას დავამარცხებთ, მთავარი მიზანი მიღწეული იქნება. მსოფლიო თასზე ნებისმიერ მეტოქესთან შეიძლება წავაგოთ”, - აღნიშნა ოუენსმა, რომელსაც “დრაკონების” მაისურით 64 მატჩი აქვს ჩატარებული.
უელსისა და საქართველოს ნაკრებთა შერკინება მომავალი ტურნირის პირველივე ტურში, 23 სექტემბერს შედგება და მას ტოიოტას სტადიონი უმასპინძლებს.


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:58 | 18.07.2019
dominici99 (94)

Samwuxarod jgufidan xhveni gasvlis ilyzia af maqvs da 2 tamashis mogebit zaluan gaxarebuli viqnebi, tumca sul ar famovricxav fiji gavides jgufidan da pirveli adgilidanac ki. Uelsi aqamdec charchenila jgufshi, avstralius nakrebshi ki erti shexedvit qaosia. Bevri ram gamochndeba 4 erze.

10:35 | 17.07.2019
გორდა (248)

დიახ, მაგრამ ესენი: უელსი და ავსტრალია ძირითად მეტოქეს მაინც ფინიში ხედავენ.
მოკლედ, წელს მსოფლიოზე ძალიან გვჭირდება ფიჯის და ურუგვაის დამარცხება.ასეთ შემთხვევაში 6 ერს დიდხანს ცხრა კლიტულში ჯდომა აღარ გამოუვა

0.09552