20-წლამდელები

17:10 | 24.06.2019 | ნანახია 1289 - ჯერ

იაშაღაშვილი RugbyPass-ის სიმბოლურ ნაკრებში

მსოფლიო ჩემპიონატის დასრულების შემდეგ, სარაგბო პორტალმა RugbyPass ტურნირის სიმბოლური ნაკრები გამოავლინა, რომელშიც უმცროსი ბორჯღალოსნების მესამე ხაზელი იოანე იაშაღაშვილი 8 ნომერზე დაასახელეს.

მსოფლიო ჩემპიონატის დროს ჩვენმა ბიჭებმა უამრავი ბოჭვა შეასრულეს. ტურნირის სტატისტიკის მიხედვით, უმცროსი ბორჯღალოსნების საუკეთესო მბოჭავების სამეული ასე გამოიყურება:

იოანე იაშაღაშვილი - 70 ბოჭვა
კობა კოლოტაური - 54 ბოჭვა
თედო აბჟანდაძე - 49 ბოჭვა

შეგახსენებთ, რომ საქართველოს 20-წლამდელ ნაკრებმა არგენტინაში მსოფლიო ჩემპიონატზე ზედიზედ მეოთხედ ათეულში შევიდა და ზედიზედ მეხუთედ მოიპოვა მსოფლიოს ელიტურ 12-ეულში ადგილი.

ამით უმცროსმა ბორჯღალოსნებმა თავიანთივე რეკორდი გააუმჯობესეს, ვინაიდან აქამდე არც ერთ თიერ2 ნაკრებს, ელიტაში აღზევების შემდეგ, ზედიზედ 5-ჯერ ადგილი არ შეუნარჩუნებია.

საქართველოს 20-წლამდელთა ნაკრები სამშობლოში 25 ივნისს, დილის 03:05 საათზე დაბრუნდება.

საქართველოს რაგბის კავშირის პრესსამსახური


კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
11:04 | 29.06.2019
პანტელეიმონი (1165)

გაიხარე იოანე ! ! !

17:33 | 24.06.2019
beeq.777 (58)

წარმატებები და მალე ეროვნულში გვენახოს!

0.092017