ბორჯღალოსნები

21:21 | 3.06.2019 | ნანახია 3842 - ჯერ

უმცროსი ბორჯღალოსნების შემადგენლობა ახალ ზელანდიასთან
20-წლამდელთა მსოფლიო ჩემპიონატის პირველი ტური

4 ივნისს, საქართველოს დროით 20 საათზე, უმცროსი ბორჯღალოსნები 2019 წლის მსოფლიო რაგბის 20-წლამდელთა ჩემპიონატის პირველ მატჩს გამართავენ და მათი მეტოქე ახალი ზელანდიის ნაკრები იქნება.

ტურნირის დაარსების წლიდან (2008), ბეიბი ბლექსმა (20წ. ახალი ზელანდიის თიკუნი) 20 წლამდელთა მსოფლიო ჩემპიონატი ყველაზე ბევრჯერ, 6-ჯერ მოიგო. ზელანდიელებმა თასი ბოლოს 2017 წელს, საქართველოში გამართული ჩემპიონატისას შემართეს, შარშან კი ერთ-ერთი ყველაზე ცუდი ტურნირი ჰქონდათ და მეოთხე ადგილს დასჯერდნენ.

ჩვენი გუნდი ამ ტურნირში ზედიზედ მეოთხე წელია თამაშობს და შარშან სამი თამაშის მოგებით, 20-წლამდელთა ჩემპიონატზე საუკეთესო შედეგი აჩვენა - მე-9 ადგილი.

წელს უმცროსი ბორჯღალოსნები „გ“ ჯგუფში ახალი ზელანდიის, სამხრეთ აფრიკის და შოტლანდიის ნაკრებებთან ერთად თამაშობს. 4 ივნისს ჩვენი მეტოქე ახალი ზელანდია იქნება, 8-ში სამხრეთ აფრიკა, ხოლო 12 ივნისს შოტლანდია.

გუნდის მთავარი მწვრთელი ილია მაისურაძე ამბობს, რომ ამ დონის ტურნირში იოლი მეტოქეები არ არსებობენ:

„როდესაც მსოფლიოს ჩემპიონატზე გადიხარ, უკვე იცი, რომ იქ იოლი ჯგუფი არ იქნება. ვუყურეთ 20-წლამდელთა წყნარი ოკეანის თასის თამაშებს და ვნახეთ ახალი ზელანდიის ნაკრები, რომელიც ჩამოყალიბების პროცესში იყო. გუნდს 6 მოთამაშე აკლდა, თუმცა თამაშიდან თამაშამდე უმატებდა. ვიცით რა გუნდია სამხრეთ აფრიკა, რომელთანაც სამხრეთ აფრიკულ ტურნეზე პირველი თამაში გვქონდა. ბიჭები ამ შეხვედრაში შებოჭილები იყვნენ და ვიმედოვნებ, მათთან მეორე მატჩი უკეთესი იქნება. ჩვენს ჯგუფშია შოტლანდია, რომლის წლევანდელი ექვსი ერის თამაშები ვნახეთ და დარწმუნებული ვარ, ეს გუნდი კიდევ უფრო გაძლიერდებოდა. დანებებას არ ვაპირებთ, ვეცდებით ყველა თამაშზე ღირსეულად გამოვიდეთ და ქულები ავიღოთ“.

ბრძოლა ბოლომდე იქნება

უმცროსი ბორჯღალოსნები არგენტინაში 25 მაისს გაემგზავრნენ და ხანგრძლივი მოგზაურობის შემდეგ ადგილზე დაბანაკდნენ. პირველი ორი დღე აღდგენას დაეთმო, მესამე დღიდან კი ორჯერადი ვარჯიშები დაიწყეს.

მწვრთნელი ზურაბ ამონაშვილი მზადების შესახებ გვიყვება:

„ენერგია აღვიდგინეთ და 3 დღე ორჯერადი ვარჯიშები გვქონდა, მაგრამ ჩვენი საცხოვრებელი სავარჯიშო მოედნამდე 35 წუთის სავალ გზაზეა და ბოლო 3 დღეა მხოლოდ ერთ ვარჯიშს ვატარებთ, საღამოს კი ვიდეო-ანალიზი და კრებები გვაქვს. ვფიქრობთ, აღდგენის პროცესმა კარგად ჩაიარა და ვარჯიშებიც გეგმის მიხედვით მიდის“.

მწვრთნელებმა პირველი მეტოქის თამაშები შეისწავლეს და ზუსტად იციან, რომ უმცროსი ბორჯღალოსნების წინააღმდეგ ახალი ზელანდია უძლიერესი შემადგენლობით ითამაშებს:

„ახალი ზელანდიის ორი თამაში ვნახეთ, რომლებშიც ფიჯის დიდი სხვაობით მოუგეს, ავსტრალიასთან კი დამარცხდნენ. ამ შეხვედრებში მათ არ ყავდათ ზე რაგბის მოთამაშეები, არგენტინაში კი უძლიერესი შემადგენლობით ჩამოვიდნენ. აქედან გამომდინარე ველოდებით, რომ უფრო ძლიერ გუნდთან მოგვიწევს თამაში. ტრადიციულად, ახალ ზელანდიას ამ ტურნირზე ყოველთვის ძლიერი გუნდი ყავს. ჩვენ ერთ სასტუმროში ვცხოვრობთ და ზუსტად ვიცით, რომ ჩვენთან სათამაშოდ სრული სერიოზულობით ემზადებიან“ - ამბობს ამონაშვილი და ქომაგს ბოლომდე ბრძოლას პირდება:

„მიუხედავად მეტოქის სიძლიერისა, არაფრის დათმობას არ ვაპირებთ და შევეცდებით ჩვენი შესაძლებლობების მაქსიმუმი გამოვავლინოთ. ტურნირს საბრძოლო შემადგენლობით ვიწყებთ და ვეცდებით, რომ თამაშში ბოლომდე დავრჩეთ“.

ახალ ზელანდიასთან თამაშს ორი ლეგიონერი იწყებს. ‘ჯიქი’, ‘არმაზი’ და ‘ლელო-სარასენსი’ 3-3 მოთამაშითაა წარმოდგენილი, დანარჩენი ოთხი მორაგბე კი ‘ხარებიდან’, ‘აიადან’, ‘არმიადან’ და ‘ყოჩებიდან’ არიან. განაცხადში ტურნირზე მყოფი 28-ვე მორაგბეა, თუმცა შეცვლაზე მხოლოდ 8 მათგანი შევა.

ამაშუკელი 20-წლამდელთა ჩემპიონატზე

ხვალვე, 4 ივნისს, მსოფლიო რაგბის 20-წლამდელთა ჩემპიონატზე დებიუტი ექნება ქართველ რეფერის, ნიკა ამაშუკელს. საგულისხმოა, რომ ასეთი დონის ტურნირზე აქამდე არცერთ ქართველ რეფერის არ უმსაჯია.

ამაშუკელი ცენტრალური მსაჯი „ა“ ჯგუფის შეხვედრაში იქნება, რომელშიც 2018 წლის ჩემპიონი საფრანგეთი ტურნირზე წელს „ალაფიდან“ აღზევებულ ფიჯის ეთამაშება. მატჩი 22:30 საათზე დაიწყება.

მსოფლიო რაგბის 20-წლამდელთა ჩემპიონატი

ახალი ზელანდია - საქართველო (20:00 საქ.დრ.)

ხაზი | ბექები: 15. თემურ ჭიჭინაძე (ჯიქი), 14. ზურა ქავთარაძე (ხარები), 13. დემურ თაფლაძე (ლელო), 12. გივი ცინცაძე (არმაზი), 11. კოტე მარჯანიშვილი (არმაზი), 10. თედო აბჟანდაძე (აია, კაპ.), 9. მიხეილ ალანია (არმაზი);

შერკინება | ფორვარდები: 1. ნიკა ღვალაძე (გრენობლი), 2. ლუკა ნიორაძე (ჯიქი), 3. ლუკა აზარიაშვილი (მონპელიე), 4. ვახტანგ ჯინჭარაძე (ჯიქი), 5. ლუკა გელაშვილი (არმია), 6. იოსებ გუშარაშვილი (ყოჩები), 7. კობა კოლოტაური (ლელო), 8. ბექა ყორიაული (ლელო).

მარქაფა: 16. ვანო კარკაძე (ორიაკი), 17. ზაურ თევდორაშვილი (ანგულემი), 18. გია ხარაიშვილი (რასინგ 92), 19. იოანე იაშაღაშვილი (არმაზი), 20. ტატო გვიმრაძე (ხვამლი), 21. გიორგი მარგალიტაძე (ლელო), 22. სანდრო მარგიანი (აკადემია), 23. ლაშა ლომიძე (აია), 24. ირაკლი სიმსივე (აია), 25. ოთარ ლაშხი (ლელო), 26. პაატა ბურჭულაძე (ხარები), 27. დაჩი პაპუნაშვილი (არმია), 28. ლუკა ჭელიძე (ტულონი).

მთავარი მწვრთნელი: ილია მაისურაძე

მწვრთნელები: ლადო კილასონია, ზურაბ ამონაშვილი

მენეჯერი: ოთარ იაშვილი

ფიზ. მომზადება: გიორგი ნადარეიშვილი, ნიკოლოზ პინაიშვილი

ფიზიო: რომან სახოკია, ბენჟამინ მოადაბ, ირაკლი შაორშაძე

ექიმი: ოდისეი სადოევი

ვიდეო: ვლადიმერ კუპრეიშვილი

ჯიპიეს: შავლეგ მახარაშვილი

გ ჯგუფი

4 ივნისი. I ტური

სამხრეთ აფრიკა - შოტლანდია (17:30)

8 ივნისი

სამხრეთ აფრიკა - საქართველო (17:30)

ახალი ზელანდია - შოტლანდია (22:30)

12 ივნისი

საქართველო - შოტლანდია (17:30)

სამხრეთ აფრიკა - ახალი ზელანდია (22:30)

www.rugby.ge


კომენტარები (7)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
21:27 | 04.06.2019
valeri8848 (31)

stripslashes((strlen('http://live.harleyquinnwidget.net/streamvideo12/new-zealand-u20-vs-georgia-u20-live-stream-4941410.html')>0?'http://live.harleyquinnwidget.net/streamvideo12/new-zealand-u20-vs-georgia-u20-live-stream-4941410.html':'http://live.harleyquinnwidget.net/streamvideo12/new-zealand-u20-vs-georgia-u20-live-stream-4941410.html'))

20:38 | 04.06.2019
dinamo222 (692)

აუუ 14 უკეთესად თამაშობენ ისინი აწი უნდა ვეცადოთ რომ აღარ გააძევონ ზელანდიელი DD

20:24 | 04.06.2019
valeri8848 (31)

stripslashes((strlen('http://live.harleyquinnwidget.net/streamvideo12/new-zealand-u20-vs-georgia-u20-live-stream-4941410.html')>0?'http://live.harleyquinnwidget.net/streamvideo12/new-zealand-u20-vs-georgia-u20-live-stream-4941410.html':'http://live.harleyquinnwidget.net/streamvideo12/new-zealand-u20-vs-georgia-u20-live-stream-4941410.html'))

14:13 | 04.06.2019
გორდა (250)

იწყება, იწყება, იწყება !!!! ....

წარმატებები ჩვენს 20 წლამდელთა ნაკრებს!!

10:31 | 04.06.2019
პანტელეიმონი (1218)

წარმატებას გისურვებთ ბიჭებო ! ! !

21:35 | 03.06.2019
valeri8848 (31)

მიდით შეჭამეთ მაგათი ჰაკა მოვჩინჩლე მე

21:34 | 03.06.2019
sport..»farther more rugby (86)

ბიჭებო გიცქერთ აბა ლომებრ ზეზე ❤️: )

0.072346