საერთაშორისო

0:05 | 25.02.2019 | ნანახია 1093 - ჯერ

ირლანდიამ მძიმე ბრძოლაში იმარჯვა

6 ერის 2019 წლის გათამაშების მე-3 ტურის დასკვნითი შეხვედრა მოულოდნელად დაძაბული გამოდგა. რომის ოლიმპიური სტადიონზე გამართულ მატჩში 50 ათასამდე ქომაგის მიერ გამხნევებულმა იტალიელებმა ფავორიტ ირლანდიას დიდი წინააღმდეგობა გაუწიეს და მხოლოდ 16:26 წააგეს.
ქონორ ო’შის შეგირდებმა მიმდინარე ტურნირზე საუკეთესო თამაში ჩაატარეს და “სამყურებს” პირველი ტაიმი 16:12 მოუგეს. საინტერესოა, რომ შეხვედრის პირველი ლელო სტუმარმა ქუინ რუმ დადო, ვისაც ედოარდო პადოვანიმა და ლუკა მორისიმ უპასუხეს.
შესვენების შემდეგ, ქულებს მხოლოდ ჯო შმიდტის მიერ გაწვრთნილი ირლანდიელები იღებდნენ. “სამყურები” ქის ირლსის ლელოს შემდეგ დაწინაურდნენ, ბონუს-ქულის მომტანი მე-4 ლელო კი ქონორ მარეიმ დადო.
ამგვარა, ირლანდიელებმა 9 ქულა მოაგროვეს და სატურნირო ცხრილში უელსისა (12) და ინგლისის (10) შემდეგ, მე-3 ადგილზე იმყოფებიან. მე-4 ტური 9-10 მარტს შედგება. 9-ში შოტლანდია უელსს დაუხვდება, ინგლისი კი – იტალიას. 10 მარტს ირლანდია საფრანგეთს უმასპინძლებს.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.096709