საქართველოს მორაგბეთა ეროვნულ ნაკრებს იტალიასთან ტესტ-მატჩში განცდილი მარცხი მსოფლიო რეიტინგში 1 ადგილის დათმობად დაუჯდა.
შეგახსენებთ, რომ გასულ შაბათს “ბორჯღალოსნებმა” ფლორენციაში 17:28 წააგეს, კლასიფიკაციაში 72:37 ქულა შერჩა და მე-13 ადგილი სწორედ “აძურის” დაუთმო.
საქართველოს ნაკრებს ძალიან დაუახლოვდა აშშ-ს ეროვნული გუნდი, რომელმაც მცირე სენსაცია მოახდინა და სამოას 30:29 სძლია. “არწივების” აქტივში 72.32 ქულაა.
თავის მხრივ, სამოელები მე-17 საფეხურზე აღმოჩნდნენ, მე-16 ადგილი კი რუმინეთს გადაულოცეს, რომელმაც რაგბი ევროპის ჩემპიონატში პლეი-ოფში პორტუგალიას 36:6 მოუგო.
მსოფლიო რეიტინგს კვლავაც დიდი უპირატესობით ლიდერობს ახალი ზელანდია, რომელმაც ინგლისში 16:15 იმარჯვა, მოწინავე ათეულში კი ერთადერთი ცვლილება მოხდა: შოტლანდიის ნაკრებმა ფიჯი 54:17 დაამარცხა და მე-7 პოზიცია აართვა ავსტრალიას, რომელმაც უელსში 6:9 წაააგო.

სრული რეიტინგი