საქართველოს მორაგბეთა ეროვნული ნაკრები უკვე ფლორენციაში იმყოფება და მზადებას განაგრძობს შემოდგომის პირველი ტესტ-მატჩისთვის.
შეგახსენებთ, რომ მილტონ ჰეიგის შეგირდებს უმნიშვნელოვანესი შეხვედრა ფლორენციაში ელით, სადაც სტადიონ “არტემიო ფრანკიზე” იტალიის ნაკრებს გაეჯიბრებიან.
თამაში შაბათს, 10 ნოემბერს გახლავთ დაგეგმილი და თბილისის დროით 18:00 საათზე დაიწყება, წინასწარი ინფორმაციით კი, მას რამდენიმე ათასი ქართველი ქომაგი დაესწრება.
“ბორჯღალოსანთა” იტალიური მზადების ფოტოებს საქართველოს რაგბის კავშირის პრესსამსახური ავრცელებს.