ბორჯღალოსნები

16:20 | 5.11.2018 | ნანახია 2791 - ჯერ

ქონორ ო’ში: “ასეთი შეცდომები საქართველოსთან აღარ უნდა გავიმეოროთ”

იტალიის სარაგბო ნაკრები მზადებას იწყებს საქართველოს ეროვნულ გუნდთან მატჩისთვის, რომელიც 10 ნოემბერს, ფლორენციის სტადიონ “არტემიო ფრანკიზე” გახლავთ დაგეგმილი და თბილისის დროით 18:00 საათზე დაიწყება.
“აძურის” ირლანდიელი თავკაცი ქონორ ო’ში 31-კაციან გაფართოებულ შემადგენლობას ხვალ დილით დაასახელებს, მანამდე კი, მწვრთნელი ჩიკაგოში, ირლანდიასთან უიმედო მარცხს (7:54) გამოეხმაურა და აღნიშნა, რომ გუნდმა იგივე შეცდომები საქართველოსთან აღარ უნდა გაიმეოროს.
“პირველ ტაიმში ცუდად ნამდვილად არ გამოვიყურებოდით. შანსები ნამდვილად გვქონდა და ერთი მათგანი გამოვიყენეთჱკიდეც. აი, მეორე ნახევარში კი დაცვაში ნაპრალები გაჩნდა, რაც მეტოქემ ლელოებში გარდასახა. საკვანძო მომენტი შესვენების შემდეგ, საწყისი წუთები იყო, როდესაც გამაოგნებელი შეცდომები დავუშვით.
ახლა, მთავარი უსწრაფესი რეაბილიტაციაა. საქართველოსთან მატჩს როგორც მენტალური, ასევე ფიზიკური კუთხით სრულ მზადყოფნაში უნდა შევხვდეთ. ისეთი მომენტები, რომელიც ირლანდიასთან გვქონდა, აღარ უნდა განმეორდეს. მსოფლიოს რანგით მე-2 ნაკრებს ვეთამაშებოდით და ცხადია, რომ მწარე გაკვეთილი ჩაგვიტარეს”.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
09:37 | 06.11.2018
გიორგი16 (34)

დაცვის ნაპრალებზე და სისწრაფეებზე რა მოგახსენო ბატონო ო"შ მაგრამ დაჩეჩქვა და დალეწვა კი გელოდებათ

0.082873