იტალიის მორაგბეთა ეროვნული ნაკრები, რომელსაც 10 ნოემბერს “ბორჯღალოსნები” ფლორენციაში გაეჯიბრებიან, შაბათს, ჩიკაგოში ირლანდიას დაუპირისპირდა და უიმედო მარცხი განიცადა – 7:54.
“სამყურებმა”, რომლებიც მინდორზე საუკეთესო შემადგენლობით არ გასულან, ასევე გადახალისებილ “აძურის” გასაქანი არ მისცეს და განსაკუთრებით შესვენების შემდეგ, პატარა ბავშვებივით გაუსწორდნენ.
საინტერესოა, რომ იტალიამ ერთადერთი ლელო ბურთის ჩაჭრის შემდეგ დადო (თავი მიკელე კამპანიარომ გამოიჩინა), “მწანეებმა” კი მეტოქე 8-ჯერ დაალელოვეს (ლუკ მაკგრატმა ჰეთთრიკი შეასრულა), თანაც მე-2 ტაიმი 40:0 (!) მოუგეს.
როგორც აღვნიშნეთ, იტალიელებს მომდევნო ტესტი უკვე შინ საქართველოსთან ელით, ირლანდია კი 10 ნოემბერსვე, დუბლინში ირლანდიას დაუხვდება.

ირლანდია – იტალია 54:7 (14:7)
ლელო: ბეირნი (5, 43), მაკგრატი (46, 64, 80), კრონინი (56), რინგროუზი (66) – კამპანიარო (38).
გარდასახვა: ქარბერი (6, 34, 44, 47, 58), როს ბერნი (65, 68) – კანა (39).