დღეს სპორტისა და ახალგაზრდობის საქმეთა სამინისტროში რაგბის თემაზე მომუშავე ჯგუფის პირველი შეხვედრა გაიმართა. საუბარი შეეხო საგაისო მსოფლიო თასზე საქართველოს ნაკრების ასპარეზობას და 2017 წელს საქართველოში 20-წლამდელთა მსოფლიო თასის ჩატარებას.

მინისტრის ლევან ყიფიანის გარდა საქმიან შეხვედრაში მონაწილეობდნენ მინისტრის მოადგილეები აკაკი ლოდია და თამაზ თევზაძე, რაგბის კავშირის პრეზიდენტი გია ნიჟარაძე, დიდი ბრიტანეთისა და ჩრდილოეთ ირლანდიის გაერთანებულ სამეფოში საქართველოს საგანგებო და სრულუფლებიანი ელჩი რევაზ გაჩეჩილაძე, თბილისის მერიის, კულტურისა და ძეგლთა დაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე საზოგადოებრივი მაუწყებლის წარმომადგენლები.

სამუშაო ჯგუფის მეორე შეხვედრა 25 აგვისტოს გაიმართება.

სპორტისა და ახალგაზრდობის საქმეთა სამინისტროს პრესსამსახური