იტალიის სარაგბო ნაკრებმა, რომელიც საშემოდგომო ტესტებზე ”ბორჯღალოსანთა” ერთ-ერთი მეტოქეა, მოახლოებული მატჩებისთვის შემადგენლობა დაასახელა.
შეგახსენებთ, რომ “აძური” ქართველ მორაგბეებს 10 ნოემბერს ფლორენციაში დაუხვდება, მანამდე, 3 ნოემბერს, ჩიკაგოში ირლანდიასთან ტესტია დაგეგმილი, 17-ში იტალიელები პადოვაში ავსტრალიელებს უმასპინძლებენ, 24-ში კი, რომში პლანეტის უძლიერეს ნაკრებ ახალ ზელანდიას მიიღებენ.
აპენინელთა თავკაცის ქონორ ო’შის სიაში ტრავმის გამო რამდენიმე მორაგბე არ ფიგურირებს. უპირველეს ყოვლისა, ექვსი ერის გასული სეზონის ერთ-ერთ საუკეთესო მოთამაშის – ფულბექ მატეო მინოცის (“ძებრე”) არყოფნა უნდა აღვნიშნოთ.
მინოცის გარდა, ვერ ითამაშებენ ანჯელო ესპოზიტო, ორნელ ჯეგა, ფედერიკო ძანი (ყველა – “ბენეტონი”), ჯიოვანი ლიკატა, მაქსიმე მბანდა (ორივე – “ძებრე”) და ლეონარდო სარტო (თავისუფალი აგენტი).
იტალიელთა ბანაკში კარგი სიახლეებიცაა: მწყობრში არიან კაპიტანი სერჯიო პარისე და ორი ნატურალიზებული მესამეხაზელი: სამხრეთაფრიკელი იოჰან მეიერი და ახალზელანდიელი ჯიმი ტუივაიტი.

იტალია ნოემბრის ტესტებისთვის
პირველი ხაზი: სიმონე ფერარი, ტიციანო პასკუალი, შერიფ ტრაორე, ლუკა ბიჯი, ნიკოლა კუალიო (ყველა – “ბენეტონი”), ანდრეა ლოვოტი, ოლივიერო ფაბიანი, ჯიოსუე ზილოკი (ყველა – “ძებრე”), ლეონარდო გილარდინი (“ტულუზა”, საფრანგეთი).
მეორე ხაზი: ჯორჯე ბიაჯი (“ძებრე”), დინ ბადი, მარკო ფუსერი, მარკო ლაცარონი, ფედერიკო რუცა, ალესანდრო ძანი (ყველა – “ბენეტონი”).
მესამე ხაზი: სებასტიან ნეგრი, აბრაჰამ სტეინი, ჯიმი ტუივაიტი (ყველა – “ბენეტონი”), იოჰან მეიერი, რენატო ჯამარიოლი (ორივე – “ძებრე”), ჯეიკ პოლედრი (“გლოსტერი”, ინგლისი), სერჯიო პარისე (“სტად ფრანსე”, საფრანგეთი).
სქრამჰავები: გილელმო პალაცანი, მარჩელო ვიოლი (ორივე – “ძებრე”), ტიტო ტებალდი (“ბენეტონი”).
მგეზავები: ტომაზო ალანი, იან მაკკინლი (ორივე – “ბენეტონი”), კარლო კანა (“ძებრე”).
გარემარბები: მატია ბელინი (“ძებრე”), ტომაზო ბენვენუტი, ლუკა სპერანდინო (ორივე – “ბენეტონი”).
შუამარბები: ჯულიო ბისენი, ტომაზო კასტელო (ორივე – “ძებრე”), ლუკა მორისი (“ბენეტონი”), მიკელე კამპანიარო (“ექსეთერი”, ინგლისი).
ფულბექები: ედოარდო პადოვანი (“ძებრე”), ჯეიდენ ჰეივარდი (“ბენეტონი”).