7-კაცა

16:35 | 8.10.2018 | ნანახია 1170 - ჯერ

ოთხთა საერთაშორისო ტურნირი "შევარდენზე"

6 ოქტომბერს „შევარდენის“ სანაკრებო ბაზაზე გამართული ოთხთა საერთაშორისო ტურნირი Georgia Ledy’s Sevens-მა მოიგო, რომელიც 7-ქალა ეროვნული ნაკრების ბირთვს წარმოადგენდა.

ეს იყო პირველი შემთხვევა, როდესაც გოგონებმა საერთაშორისო ტურნირი თბილისში ითამაშეს. შარშან ჩვენს ქვეყანას საბერძნეთის ნაკრები ეწვია და მაშინ თამაშები ქუთაისში გაიმართა, წელს კი ისრაელის ნაკრებს ვუმასპინძლეთ, რომელიც ქართველ გოგონებთან ერთად გაისად რაგბი ევროპის „ალაფაზე“ ითამაშებს.

ტურნირმა დიდი ინტერესი გამოიწვია და თამაშებს 800-მდე მაყურებელი დაესწრო. Georgia Ledy’s Sevens-მა და ისრაელის ნაკრებმა, როგორც მოსალოდნელი იყო, აღმოსავლეთისა და დასავლეთის ნაკრებები დაამარცხეს. გადამწყვეტ მატჩში ქართველმა გოგონებმა ერთი ლელო მიიღეს, თავად 4 გაიტანეს და 26:5 მოგებით, ტურნირის გამარჯვებულები გახდნენ. მესამე ადგილი დასავლეთ საქართველოს ერგო.

„ტურნირი ძალიან კარგად იყო ორგანიზებული, რისთვისაც მადლობას ვუხდი ჩვენს მენეჯერ ია ხურცილავას. თამაშებით კმაყოფილი ვარ. მიუხედავად იმისა, რომ ევროპის „კონფერენც დივიზიონის“ მოგების შემდეგ დიდი დრო გავიდა და არ გვივარჯიშია, ჩანდა, რომ გოგონებმა უნარები კარგად შეისისლხორცეს და უკვე თამამად შეგვიძლია სხვა ეტაპზე გადასვლა“ - განაცხადა საქართველოს 7-ქალა ნაკრების მთავარმა მწვრთნელმა ჯაბა მალაღურაძემ.

www.rugby.ge


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.086915