ქართველი ბურჯი ნიკოლოზ ხატიაშვილი კარიერას პრო დ2-ში განაგრძობს. ოფიციალურად დადასტურდა, რომ 26 წლის მორაგბე “ანგულემის” ღირსებას დაიცავს.

ხატიაშვილი 2015-2017 წლებში სწორედ პრო დ2-ში თამაშობდა და “ორიაკში” ჩატარებულ არასრულ სამ სეზონში 51 შეხვედრა ჩაატარა, გაზაფხულზე კი იაპონურ “სანვულვზს” მიაშურა და სუპერ რაგბიში 3-ჯერ ითამაშა. “მზის მგლებიდან” წამოსვლის შემდგომ, ის დიდი 10-ის “არმაზში” ჩაირიცხა, თუმცა საფრანგეთში დაბრუნება მალევე მოახერხა და შესაბამისად, საქართველოს ჩემპიონატში თამაში აღარ მოუწია. მას საქართველოს ნაკრების კვართი 4-ჯერ აქვს მორგებული.

შეგახსენებთ, რომ “ანგულემში” კიდევ სამი ქართველი ირიცხება. ძირითადი შემადგენლობის წევრია შალვა სუთიაშვილი, ხოლო გიორგი ნეფარიძე და ზაურ თევდორაშვილი ესპუარები არიან.