ჩემპიონატები

16:45 | 2.08.2018 | ნანახია 1133 - ჯერ

2018 წლის სუპერ რაგბის ფინალი: გუნდების შემადგენლობები

შაბათს თბილისის დროით 11 საათსა და 35 წუთზე კრაისტჩერჩში 2018 წლის სუპერ რაგბის ფინალური შეხვედრა გაიმართება, სადაც მოქმედი ჩემპიონი “კრუსეიდერსი” “AMI სთედიუმზე” გასული სეზონის ფინალისტს “ლაიონს” უმასპინძლებს.

ახალზელანდიელთა მთავარმა მწვრთნელმა სკოტ რობერტსონმა, ნახევარფინალში “ჰარიკეინსთან” მოგებული (30:12) შეხვედრის შემდგომ, ერთადერთი მოთამაშე შეცვალა და ისიც იძულებით: 6 ნომრის პოზიციაზე ტრავმირებული ჟორდან ტაუფუას ნაცვლად, ჰეიდენ ბედუელ-კურტისი ითამაშებს.

“ჯვაროსანთა” შემადგენლობა ასე გამოიყურება:

უკანა ხაზი

15. დევიდ ჰავილი; 14. სეტა ტამანივალუ; 13. ჯეკ გუდჰუ; 12. რაიან კროტი; 11. ჯორჯ ბრიჯი; 10. რიჩი მო’უნგა; 9. ბრაიან ჰოლი;

შერკინება

1. ჯო მუდი; 2. კოდი ტეილორი; 3. ოუენ ფრენკსი; 4. სკოტ ბარეტი; 5. სემ უაითლოკი (კაპიტანი); 6. ჰეიდენ ბედუელ-კურტისი; 7. მეთ თოდი; 8. კირან რიდი;

მარქაფა

16. სემ ანდერსონ-ჰისერი; 17. ტიმ პერი; 18. მაიკლ ალა’ალატოა; 19. ლუკ რომანო; 20. პიტერ სამუ; 21. მიტჩელ დრამონდი; 22. მიტჩელ ჰანტა; 23. ბრეიდონ ენორი;

“ლაიონსმა” ნახევარფინალში იოჰანესბურგში ავსტრალიურ “ვორათასი” მეორე ტაიმში გატეხა და 44:26 დაამარცხა. სამხრეთ აფრიკული გუნდის გურუმ სუის დე ბრუინმა შემადგენლობაში ორი ცვლილება განახორციელა: მღლეტელის პოზიციაზე კაილ ბრინკი დაბრუნდება, რომელმაც ნახევარფინალი მხრის ტრავმის გამო გამოტოვა, ლოურენს ერასმუსს კი მარქაფაში გადანაცვლება მოუწევს. “ვორათასთან” მატჩში მცირე დაზიანება მიიღო აფიუი დიანტიმ, რომელსაც წელს ძალზე ნაყოფიერი სეზონი ჰქონდა და 14 მატჩში 7 ლელო დადო. ის მარქაფაში იქნება, ხოლო ძირითადში ქორთნალ სკოსანი იქნება, რომელსაც ტრავმის გამო თითქმის მთელი სეზონი გაუცდა და დაბრუნება 30 ივნისღა მოახერხა. მან მიმდინარე სუპერ რაგბში სულ 4 თამაში ითამაშა, საიდანაც სასტარტოში მხოლოდ ერთი დაიწყო და 2 ლელო დადო.

აფრიკელთა შემადგენლობა ასეთია:

უკანა ხაზი

15. ადრიეს კუცია; 14. რუან კომბრინკი; 13. ლიონელ მაპო; 12. ჰაროლდ ვორსტერი; 11. ქორთნალ სკოსანი; 10. ელტონ იანტისი; 9. როს კრონიე;

შერკინება

1. ჟაკ ვან რუიენი; 2. მალკოლმ მარქსი; 3. რუან დრეიერი; 4. მარვინ ორიე; 5. ფრანკო მოსტერტი; 6. კვაგა სმიტი; 7. კაილ ბრინკი; 8. უორენ უაითლი (კაპიტანი);

მარქაფა

16. კორნი ფურნიე; 17. დილან სმიტი; 18. იოჰანეს იონკერი; 19. ლოურენს ერასმუსი; 20. მარნუს შომენი; 21. დილონ სმიტი; 22. აფიუი დიანტი; 23. ჰოვარდ მნისი.

შეგახსენებთ, რომ 2017 წლის სუპერ რაგბის ფინალში “კრუსეიდერსმა” “ლაიონსი” იოჰანესბურგში 25:17 დაამარცხა. აფრიკელებს 38-ე წუთზე კვაგა სმიტი წითელი ბარათით გაუძევეს და მთელი მეორე ტაიმი 14 მოუწიათ თამაში. 2016 წლის “ზე რაგბის” ფინალში კი “ლაიონსი” ველინგტონში “ჰარიკეინსთან” 3:20 დამარცხდა.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:35 | 02.08.2018
geogoli (367)

აშკარად შესაცვლელია ფორმატი, მინიმუმ პლეიოფები გასვლა-სახლში პრინციპით უნდა იყოს

0.078424