ერთა თასი

14:14 | 5.07.2018 | ნანახია 1250 - ჯერ

ფაკაო’სილეა რუმინეთზე ოცნებას არ ეშვება

ნატურალიზირებულმა ტონგელმა სიონე ფაკაო’სილეამ, რომლის გამოც რუმინეთმა 2019 წლის მსოფლიო თასის საგზური დაკარგა, სკანდალთან დაკავშირებით პირველ ოფიციალურ განცხადებას ავრცელებს.

„დიდი ხნის განმავლობაში ვდუმდი, თუმცა ვგრძნობ, რომ საზოგადოებისთვის პასუხის გაცემა ჩემი ვალია. რუმინეთის ნაკრებში თამაში, ჩემი კარიერის ყველაზე დიდი მწვერვალი და პატივი იყო. ვთამაშობდი სულით და გულით და მოედანზე მაქსიმუმს ვდებდი. ეროვნული გუნდის დისკვალიფიკაცია ძალიან განვიცადე, ვიტანჯებოდი და გული მწყდება ჩვენმა შრომამ ნაყოფი რომ ვერ მოიტანა.

ძალიან რთულ სიტუაციაში ვართ და ვლოცულობ რუმინული რაგბის ნათელი მომავლისთვის. მე მართლა არ ვიცოდი რუმინეთის ნაკრებში თამაშის უფლება თუ არ მქონდა. რუმინეთი ჩემი სახლია და მე აქ ცხოვრება, ბავშვების აღზრდა მინდა. მე მიყვარს რუმინეთი და გარწმუნებთ, ამ არასწორი გადაწყვეტილების გამო, გული სხვებზე ნაკლებად არ მწყდება. მსურს დავრჩე რუმინული რაგბის ნაწილად და თავი ამ ქვეყნის მოქალაქედ ვიგრძნო. თუ მე მეორე შანსი მომეცემა, დაუფიქრებლად მოვირგებ რუმინეთის ნაკრების კვართს“ - ამბობს ფაკაო’სილეა.

შეგახსენებთ, ფაკაო’სილეას ტონგას 7-კაცა ნაკრებში ჰქონდა ნათამაშები, რის გამოც რუმინებით ნაკრებში თამაშის უფლება არ ჰქონდა და „მსოფლიო რაგბმა“ რუმინელები დასაჯა - მსოფლიო თასიდან მოკვეთა. მოთამაშეთა არასწორედ ნატურალიზების გამო დაისაჯა ესპანეთი და ბელგიაც.

შედეგად, 2019 წლის მსოფლიო თასის პირდაპირი საგზური რუსეთმა მიიღო, ხოლო ფლეი ოფში გერმანია ჩაერთო. გერმანელებმასამოასთან პირველი მატჩი 15:66 დათმეს. განმეორებითი შეხვედრა ჰაიდელბერგში 14 ივლისს გაიმართება.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
16.358614